Bel ağrılarının səbəbləri nələrdir? - Ağrının kökündə xərçəng də ola bilər...
15:18 / 07.10.2021
633
Əksər insanlar həyatlarının müəyyən dönəmində
heç olmasa bir dəfə bel ağrısı keçirirlər. Bel ağrısının isə bir
çox səbəbi ola bilər. Buna görə də bel ağrısı göz ardı edilməməlidir.
Sfera.az xəbər verir ki, Fiziki Terapiya və Reabilitasiya mütəxəssisi
dosent
həkim Ahmet İnanır mövzu ilə əlaqədar
əhəmiyyətli məlumatlar verib.
Həkim bel ağrılarının kökündə hətta xərçəng xəstəliyinin
belə ola biləcəyini deyib. Mütəxəssis ağrının yaranma səbəbləri barədə də danışıb.
Ağrı bir tapıntıdır, xəstəlik deyil. Müalicəyə ehtiyacı olan ağrı mərkəzi
deyil, ağrının əsas səbəbi olan xəstəliyin aradan qaldırılmasıdır.
6 həftədən az davam edən ağrılara kəskin bel ağrısı
deyilir. Bu ağrı müəyyən bir fəaliyyətdən və ya travmadan sonra inkişaf edə və
ya travma olmadan baş verə bilər. Adətən bəzi insanlarda ağrı öz-özünə yox olur.
Bir dəfə şiddətli bel ağrısı keçirmiş insanların təxminən 30 faizində təkrar bu
ağrılar yaşanır. Ancaq ağrı nəzarət və qayğı altındadırsa, bu təkrarlanma riski
minimuma endirilə bilər. Üç aydan çox davam edən bel ağrısına xroniki bel ağrısı
deyilir. Mövcud toxuma pozğunluğu ətrafdakı sinir uclarına təsir edərək ağrıya
səbəb olur. Ən çox gördüyümüz hal isə kəskin ağrı dövründə asanlıqla idarə edə
biləcəyimiz xəstəliklərin bacarıqsız əllərdə uzanaraq xroniki hala gəlməsidir.
Bel ağrısının səbəbləri nələrdir?
Həqiqi müalicə üçün əsl ağrı mənbələri ciddi bir mütəxəssis,
həkim müayinəsi ilə araşdırılmalıdır. Kilolu olmaq, yırtığa səbəb ola biləcək qədər
ağır qaldırmaq və ya bel quruluşunu gərginləşdirmək, əyilmək, uzun müddət
oturmaq və ya oturarkən irəli əyilmək, iş görmək və ya ayaq üstə durmaq, uzun müddət
eyni vəziyyətdə qalmaq, uzun müddət stresli dövrlərin olması, doğuş, uyğun
olmayan mövqedə ev işləri görmək və cinsi həyatda belini qorumamaq bel problemlərinə
səbəb olur.
Bel ağrısının qarşısını almaq və bel sağlamlığını
qorumaq üçün nə edilməlidir?
Bel ağrısı meydana gəlməzdən əvvəl tədbir görmək
lazımdır. Lazımi texniki xidməti olmayan avtomobil bizi yolda qoyduğu kimi yaxşı
qulluq edilməyən bel də bir gün bizə ağrını yaşadacaq. Hər şeydən əvvəl piylənmə,
yırtıq bel ağrısının əsas səbəblərindən biridir. Kilo almadan yaşamağı həyat tərzi
etməliyik. Bel ağrısı yaşadıqda bunu səthi müalicə ilə yola vermək olmaz. Çünki
ağrının kökündə çox ciddi yırtıq, onurğa sınığı yaxud xərçəng ola bilər. Buna görə
təcrübəsiz mütəxəssislərlə vaxt itirməyə dəyməz.
Əzizə Zeynal