Bakıda sürücü müdirinin seyfini oğurlatdı - külli miqdarda pul... - FOTO

Bakıda sürücü müdirinin seyfini oğurlatdı - külli miqdarda pul... - FOTO
 
Mənzildən 5700 manat, 6000 dollar və 60000 manat dəyərində qızıl-zinət əşyaları oğurlayan dəstə üzvləri saxlanılıblar. 

Sfera.az xəbər verir ki, DİN Baş Cinayət Axtarış İdarəsi, Bakı şəhər Baş Polis İdarəsi və Səbail Rayon Polis İdarəsi əməkdaşlarının birgə keçirdikləri əməliyyat nəticəsində ötən ayın 26-da Badamdar qəsəbəsində yerləşən K.Əliyevə məxsus evdən seyfi sındıraraq içərisindən 5700 manat, 6000 dollar və 60000 manat dəyərində qızıl-zinət əşyaları oğurlayan dəstə üzvləri saxlanılıblar.

Tədbir zamanı əvvəllər məhkum olunmuş Biləsuvar rayon sakini Mahir Abbasov, əmisi oğlanları - Tural Abbasov, Bəhruz Abbasov, Masallı rayon sakinləri - Elmir Əsgərov, Cəfər Əlibəyli tutulublar.

Qeyd edək ki, mənzildən oğurluq etmək təklifini zərəçəkənin sürücüsü olan Tural Abbasov verib. O, dekabr ayının 26-da ev sahiblərinin mənzildə olmayacağını bildiyi üçün Bəhruz Abbasov və Elmir Əsgərovla birlikdə həmin ünvana yollanıb. Evin yaxınlığında B.Abbasov pusquda dayanıb, T.Abbasov və E.Əsgərov isə mənzilə daxil olub. Dəstə üzvləri özləri ilə seyfi kəsmək üçün dəmirkəsən aparat aparıblar.

Hadisədən bir neçə gün əvvəl T.Abbasov evin giriş qapısının ehtiyat açarlarını götürərək onların eynisini düzəltdirib. Dəstə üzvləri mənzilə məhz həmin açarlar vasitəsilə daxil olublar. Daha sonra dəstə üzvləri hadisə yerindən Mahir Abbasovun nəqliyyat vasitəsi ilə uzaqlaşıblar və əldə etdikləri qızıl-zinət əşyalarını Masallı rayonunda zərgərliklə məşğul olan Cəfər Əlibəyliyə satıblar. Həmin şəxs qızılların oğurluq olduğunu bilə-bilə onlardan alıb. Bu əməllərinə görə M.Abbasov və C.Əlibəyli də istintaqa cəlb ediliblər.

Faktla bağlı saxlanılan şəxslərin hər biri barəsində Cinayət Məcəlləsinin müvafiq maddələri ilə cinayət başlayıb. İstintaq-əməliyyat tədbirləri davam etdirilir. (azxeber.com)

OXŞAR XƏBƏRLƏR

Azərbaycanda 10 "COVID-19" xəstəsinə cinayət işi açılıb

  Daxili işlər orqanlarının əməkdaşları tərəfindən ölkə ərazisində tətbiq olunmuş xüsusi karantin rejimi dövründə "Covid-19” virusunun yayılması hallarını...

Balakəndə mağazalara qənim kəsilən oğrular narkotik yetişdirən dostlarını da “işə saldılar” - FOTO

 Balakən Rayon Polis Şöbəsinə ayrı-ayrı vaxtlarda rayonun Talalar və Sarıbulaq kəndlərində yerləşən mağazalardan ümumi dəyəri 3500 manat olan müxtəlif ərza...

Anası ilə barışan Hadisədən maraqlı paylaşım - FOTO

Bir müddətdir ailəsi ilə problem yaşayan Hadisənin yeni paylaşımı maraqla qarşılanıb. Sfera.az ölkə.az-a istinadən bildirir ki, o, anası ilə olan fotosunu...

"Mən Talıb Talehi "Maşın" şouda tanımışam. Belə yaxşı müğənnidirsə..." - FOTO

Mən Talıb Talehi "Maşın" şouda tanımışam. Sfera.az xəbər verir ki, bu açıqlamanı tanınmış aparıcı Vüsalə Kərimova "Hər şey daxil"in efirində edib. Vüsalə f...

Bakıda mağazadan oğurluq edilib - FOTO - VİDEO

  Paytaxtın Nəsimi rayonu Hüseyn Seyidzadə küçəsində yerləşən marketdən səhər saat 5 radələrində oğurluq edilib. Sfera.az xəbər verir ki,  oğurluq a...

“Ded Xasan”ın qətlini kim sifariş verib? – “Lənkəranski” versiyası alt-üst oldu

"Oğru dünyası”nın "xaç atası” sayılan mərhum "qanuni oğru” Aslan Usoyanın (Ded Xasan) qətli ilə bağlı yeni təfərrütalr məlum olub.  "Yeni Sabah” Rusiya &n...