Bakıda Ümumdünya Gömrük Təşkilatının konfransı keçirilir

Bakıda Ümumdünya Gömrük Təşkilatının konfransı keçirilir

"Bu gün Azərbaycanda gömrük işinin müasir fəaliyyət prinsipləri əsasında təşkili istiqamətində nailiyyətlər əldə olunub. Ölkəmizin xarici ticarət əlaqələrinin inkişafında beynəlxalq əməkdaşlıq müstəsna rol oynayır”.

"Qafqazinfo” xəbər verir ki, bunu Dövlət Gömrük Komitəsinin sədri Səfər Mehdiyev Ümumdünya Gömrük Təşkilatının Texnologiyalar və İnnovasiyalar sərgisində çıxışı zamanı deyib. Onun sözlərinə görə, bugünkü konfransda smart sərhədlər üzrə bütün yeni texnologiyalar, beynəlxalq ticarətin təhlükəsizliyini və dayanıqlığını təmin etmək məqsədilə gömrük işi sahəsində blokçeyn texnologiyasının tətbiqi, süni intellektdən istifadə istiqamətində müvafiq müzakirələr aparılacaq: "Tətbiq edilən ən müasir texnoloji həllər barədə təqdimatlar olacaq. Ölkəmizdə informasiya kommunikisaya texnologiyalarının tətbiqinə xüsusi önəm verilir. Beynəlxalq ticarətin həcminin gündən-günə artması, qloballaşma və inteqrasiya proseslərinin genişlənməsi dünya təsərrüfat sisteminin şaxələnməsi nəticəsində ticarət-təchizat zəncirinin idarə edilməsi daha mürəkkəb bir prosesə çevrilib. 

Müasir innovativ həlləri özündə ehtiva edən texnoloji imkanlardan istifadə etmədən bu çətin vəzifənin üstündən gəlmək mümkün deyil. Eyni zamanda,  texnologiyaların sürətli inkişafı nəticəsində iqtisadiyyatın rəqəmsal transformasiyası elektron kommersiyanın inkişafı  ilə əlaqədar ticarət operatorlarının sayının artması, blud texnologiyalarına əsaslanan dəyər zəncirinin formalaşdırılması öz növbəsində yeni risklər yaradır.

Bu qlobal çağırışlar nəticəsində Azərbaycan gömrük xidməti biznes proseslərinin müasir dövrün tələblərinə uyğun şəkildə yenidən qurulması, rəqəmsal gömrük inzibatçılığının inkişaf etdirilməsi, gömrük nəzarətinin təşkilində vaxt və insan resurslarının optimal şəkildə istifadə edilməsi,  gömrük prosedurlarının sadələşdirilməsi və şəffaflığın artırılması nəticəsində müasir informasiya və kommunakisya texnologiyalarının istifadəsinə xüsusi önəm verir. Son illər  gömrük prosedurlarının sadələşdirilməsi və ticarətin asanlaşdırılması istiqamətində mühüm addımlar atılıb. Bu sahədə tətbiq edilən elektron xidmətlər ölkədə ən çox istifadə edilən elektron xidmətlər sırasındadır. Bu gün gömrük rəsmiləşdirilməsi prosesləri tam avtomatlaşdırılıb. Gömrük bəyannamələrinin təqdim edilməsi gömrük ödənişlərinin həyata keçirilməsi və gömrük orqanlarına müraciətlərin izlənilməsi kimi xüsusi sosial əhəmiyyət təşkil edən xidmətlər yeni texnologiyalar əsasında qurulub. Bu mürəkkəb problemlərdən biri olan kölgə iqtisadiyyatı ilə mübarizədə ən yaxşı metodlardan biri də güzgülü statistikanın aparılmasıdır. Cənab prezidentin tapşırqlarına uyğun olaraq gömrük orqanlarında şəffaflığın təmin edilməsi istiqamətində mühüm addımlar atılıb. Fürsətdən istifadə edib Azərbaycanla ticarət münasibətləri olan ölkələri güzgülü statistika aparmağa və bu sahədə ortaq layihələrin həyata keçirilməsinə dəvət edirəm”.

Tədbirdə çıxış edən Baş Nazir Novruz Məmmədov bildirib ki, Azərbaycan Ümumdünya Gömrük Təşkilatı ilə sıx əməkdaşlıq çərçivəsindədir: 

"Ümumdünya Gömrük Təşkilatının Potensialının Gücləndirilməsi üzrə Avropa Regional Ofisinin Bakıda yerləşməsi və Azərbaycan Ümumdünya Gömrük Təşkilatının Avropa regionuna rəhbərlik etməsini bu əməkdaşlığın bariz nümunəsidir. İnformasiya cəmiyyətinin uğurlu inkişafı, elektron xidmətlərin təşkili və dövlət idarəçiliyində şəffaflığın təşkili üçün kifayət qədər önəmli islahatlar aparılır. Gömrük sahəsindəki şəffaflıq da buna nümunədir. Bu gün Gömrük sistemində əməliyyatlar, elektron, rəqəmsal qaydada gerçəkləşdirilir.  

Azərbaycan son illər bir çox insfrastruktur layihələri həyata keçirir. Bu istiqamətdə son dövrlərdə infrastruktura böyük məbləğdə vəsait də ayrılıb. Nəzərə almaq lazımdır ki, 2013-cü ildə Azərbaycan orbitə ilk peykini buraxıb və bununla da Azərbaycan böyük kosmik ailənin üzvünə çevrilib”.

OXŞAR XƏBƏRLƏR

ŞAD XƏBƏR! Azərbaycanın bu bölgəsində koronavirus bitdi

Ölkə üzrə koronavirusa yoluxma faktlarının böyük hissəsi (55,1%) yenə də Bakının payına düşür. Sfera.az xəbər verir ki, bu barədə statistika TƏBİB-in koronavir...

"Gölün suyuna kimyəvi maddələrin qarışdığı sübut olunarsa..." — Böyükşordan gələn pis qoxu ilə bağlı AÇIQLAMA

"Dünən paytatxın bir sıra rayonlarında kəskin, xoşagəlməz iy-qoxu hiss olundu. Ekologiya və Təbii Sərvətlər Nazirliyinə bununla bağlı daxil olan məlumat operati...

Deputat: “Ordumuz sözünü deyəndə Ermənistanın haray-həşiri nəticə verməyəcək”

"Ermənistan hər vəchlə sülh danışıqlarını pozmağa və işğal siyasətini möhkəmləndirməyə çalışır. İstər Ermənistanla Azərbaycanın işğal olunmuş əraziləri arasında...

AZAL Bakı və İstanbul arasında uçuşların sayını həftədə 4 reysədək artıracaq

 Azərbaycanın milli aviadaşıyıcısı gələn həftədən etibarən Bakı və İstanbul arasında yerinə yetirilən aviareyslərin tezliyini artıracaq. Bu barədə Sf...

SON DƏQİQƏ! TƏBİB məlumat yaydı

 Azərbaycanda koronavirusla bağlı 6 iyul 2020-ci il tarixinə olan statistik göstəricilər açıqlanıb. Sfera.az xəbər verir ki, bu barədə Tibbi Ərazi Bö...

“Ordumuzun təchizatı da güclüdür, milli ruhu da yüksəkdir”

Bunu Sfera.az-a Dağlıq Qarabağ münaqişəsinin mümkün həlli yollarından danışarkən Bakı Müharibə Əlil və Veteranları İctimai Birliyinin sədri müavini, Qarabağ müh...