“Azəristiliktəchizat” ASC binada istiliyi vaxtından əvvəl kəsdi

“Azəristiliktəchizat” ASC binada istiliyi vaxtından əvvəl kəsdi

Sabunçu rayonu, Bakıxanov qəsəbəsi, Əli Kərim 9 ünvanında yerləşən binanın bir qrup sakini "Azəristiliktəchizat” ASC-nin sədri Yaşar Həsənova açıq şikayət məktubu ünvanlayıb.

 

 

Demokrat.az-a daxil olan məktubda sakinlər sözügedən binanın istilik sisteminin vaxtından əvvəl söndürülməsindən narazılıq edirlər.

 

 

Sakinlər deyir ki, Bakıdakı binalarda isitmə mövsümü noyabrın 15-dən aprelin 15-dək olsa da, ancaq "Azəristiliktəchizat” ASC Bakıxanov qəsəbəsi, Əli Kərim 9 ünvanında yerləşən binanın istiliyini vaxtından əvvəl - martın 22-dən etibarən kəsib.

 

 

Sakinlərin sözlərinə görə, binada qazanxananı qazla təmin edən xəttin təzyiqi azaldılıb.

 

 

Sakinlər bildirir ki, "Azəristiliktəchizat” ASC-nin nümayəndələri 222 saylı istixanadan şəxsi obyekt kimi istifadə edirlər:

 

 

"İstədikləri vaxtı binanın istiliyini kəsirlər. Onların fəaliyyətinə nəzarət edən yoxdur. Havaların keçməsi sakinlərin evlərində soyuqdan əziyyət çəkməsinə səbəb olub. Ətrafda 100 metrlik məsafədə yerləşən istixanada normal istilik verildiyi halda Əli Kərim 9 ünvanındakı binanın istiliyi yoxdur".

 

Sakinlər bununla bağlı "Azəristiliktəchizat” ASC-nin "qaynar xətt"inə zəng etikləri zaman kobud cavablar aldıqlarını deyirlər:

 

 

"Bayram günləri binada istilik kəsilib. Bir neçə sakin "Azəristiliktəchizat” ASC-nin ərazi üzrə nümayəndəsi Arif adlı şəxslə əlaqə saxladıq. O, bizə bildirdi ki, bayram günü onu narahat etməyək, istirahətini pozuruq və sairə".

 

 

Sakinlər problem həllini tapmadığı təqdirdə, bu həftə Prezident Administrasiyasına şikayət ediləcəklərini deyirlər.

 

 

"Əgər problem həll edilməsə, biz bu həftə Prezident Administrasiyası qarşına gedərək, hörmətli Prezident İlham Əliyevə və Birinci vitse-prezident Mehriban xanım Əliyevaya müraciət edəcəyik. Çünki "Azəristiliktəchizat” ASC-nin sədri Yaşar Həsənova bir neçə dəfə ünvanladığımız müraciətlərə baxan yoxdur. İnsanları dövlətdən narazı salanlar bu cür məmurlardır".

 

 

Məsələ ilə bağlı "Azəristiliktəchizat” ASC-nin ərazi üzrə nümayəndəsi Arif adlı şəxslə əlaqə saxladıq.

 

 

O, bu məsələ ilə bağlı danışmaq istəmədiyini söylədi:

 

 

"Mənə rəhbərlik nə deyirsə, onu icra edirəm. Xahiş edirəm, birdə məni narahat etməyin".

 

OXŞAR XƏBƏRLƏR

Rayonlara leysan yağıb - FAKTİKİ HAVA

 Azərbaycanda müşahidə olunan faktiki hava açıqlanıb. Milli Hidrometeorologiya Xidmətindən Sfera.az-a verilən məlumata görə, iyulun 11-i saat 18:00-a...

"Bütün nəqliyyat vasitələrinin fəaliyyətini bərpa etmək lazımdır"

 Son günlərdə metropolitenin fəaliyyətini dayandırması ilə ictimai nəqliyyatın yükü avtobus şəbəkəsinin üzərinə düşüb. Bakı Nəqliyyat Agentliyi sərnişin ax...

Daha üç rayona yeni kombaynlar gətirildi

 Yeni nəsil kombaynlar dağlıq zonalarda fermerlərin işini asanlaşdıracaq İyulun 9-dan etibarən Siyəzən, Xızı və Qusarın çətin relyefli sahələrində taxıl bi...

Nazirlikdən 190 manatla bağlı daha bir AÇIQLAMA

 Əmək və Əhalinin Sosial Müdafiəsi Nazirliyi (ƏƏSMN) Nazirlər Kabineti yanında Operativ Qərargahın iyulun 10-da keçirdiyi brifinqdə xüsusi karantin rejimi ...

Ekspert: Pik saatlarda yalnız avtobuslarla Bakının sərnişindaşıma tələbatını ödəmək çətindir

 Azərbaycanda yeni növ koronavirusa yoluxma sayının artması karantin rejiminin yenidən sərtləşdirilməsinə səbəb oldu. Sərtləşmə zamanı isə ilk olaraq metro...

Eldar Mahmudovun yeni milyardları üzə çıxdı

"Zaminbank" ASC-nin keçmiş rəhbərləri, hansı ki, Baş Prokurorluq tərəfindən həbs olunduqları barədə iki gün əvvəl məlumat yayılıb, ləğv olunmuş MTN-in generalla...