No Image

Azəridmanservis: TOPAZ-ın maliyyə məsələlərinə “Caspian Tech” şirkəti cavabdehdir - 100 milyonluq skandal

Azəridmanservis: TOPAZ-ın maliyyə məsələlərinə “Caspian Tech” şirkəti cavabdehdir - 100 milyonluq skandal

İdman-mərc oyunlarını həyata keçirən "Topaz”ın son aylarda öz öhdəliyini yerinə yetirə bilmədiyi haqda məlumatlar dolaşır.


Həmin məlumatlara əsasən, "Topaz” aylardır, öz agentlərinin depozitlərini qaytarmaqdan imtina edir, tərəfdaş şirkətlərə milyonlarla manat borcunu ödəmir.

Eyni zamanda pandemiya dövründə "Topaz”ın onunla əməkdaşlıq edən agentlərini səhv məlumatlandırdığı üçün həmin agentlərə cərimə yazıldığı və bu cərimələri "Topaz”ın ödəməkdən imtina etdiyi bildirilir.

 

"Topaz”ın öz öhdəliklərini icra edə bilməməsi şirkətin müflis olduğu və bu səbəbdən onun lisenziyasının geri alınacağı haqda məlumatlar yayılır.

 

"Topaz”-a fəaliyyət üçün lisenziyanı Gənclər və İdman Nazirliyi verib. Uzun müddətdir ki, idman-mərc oyunlarına Nazirliyin "Azəridmanservis” MMC adlı şirkəti nəzərət edib.


Sfera.az yayılan məlumatlarla bağlı "Azəridmanservis” MMC-nin baş direktoru Azər Məhərrəmovun fikirlərini öyrənib. A.Məhərrəmov "Topaz”ın fəaliyyəti, onun maliyyə öhdəlikləri ilə bağlı hər hansı fikir bildirmək səlahiyyətinə sahib olmadığını söyləyib.


 


O bildirib ki, rəhbərlik etdiyi şirkət və nazirlik "Topaz”ın fəaliyyətinə görə cavabdehlik daşımır: "”Topaz”ın "Caspian Tech” adlı öz təşkiledici şirkəti var və maliyyə və digər məsələlərlə bağlı onlar cavabdehdilər. Əgər hər hansı şikayət, narazılıq varsa, bizə, Gənclər və İdman Nazirliyinə aidiyyatı yoxdur”.

Bununla belə A.Məhərrəmov "Topaz”ın müflis olmadığını və lisenziyasının ləğv edilməyəcəyini bildirdi:

 

"Topaz” müflis olmayıb və lisenziyası ləğv edilməyəcək. Bu haqda yayılan məlumatlar səhvdir. Bununla bağlı məlumatım olduğu üçün sizə bildirirəm ki, bu dəqiqdir. Bildiyim qədərilə, pandemiya ilə əlaqədar "Topaz” işləmir. Amma yaxın dövrdə "Topaz” fəaliyyətinə başlayacaq”.


 

Xatırladaq ki, "Topaz” əvvəllər dövriyyəsinin 4-5 faizi qədərində olan vəsaiti "Azəridmanservis” MMC-yə ödəyirdi. Bunun əsasında ayrı-ayrı federasiyalar, nazirlik, idmançılar və bununla bağlı səfərlər maliyyələşdirilirdi. A.Məhərrəmov hazırda "Azəridmanservis”ə "Topaz”ın dövriyyəsindən hər hansı bir formada vəsaitin daxil olmadığını da dedi.



 

A.Məhərrəmov "Azəridmanservis” MMC-nin maliyyə vəziyyəti ilə bağlı digər sualları cavablandırmaqdan da imtina etdi.

 

Sfera.az-ın əldə etdiyi məlumata əsasən isə son 6 ildə TOPAZ Gənclər və İdman nazirliyinin nəzarətində olan "Azəridmanservis" MMC-yə 100 milyon manata yaxın vəsait ödəyib. Lakin şirkət bununla bağlı cəmiyyətə hesabat verməyib.


Vasif

Sfera.az

OXŞAR XƏBƏRLƏR

Prezident yerli telekanallara müsahibə verdi

Azərbaycan Respublikasının Prezidenti İlham Əliyev sentyabrın 19-da Azərbaycan Televiziyasına, İctimai Televiziyaya və Real Televiziyasına müsahibə verib. Sf...

Sərdar Cəlaloğlu: Ramiz Mehdiyev erası bitdi

 Sərdar Cəlaloğlu: "Əslində, hakimiyyət bu gedişlə Mehdiyevin onların qarşısında ayaq üstə hesabat verən kiçik bir vəzifəli şəxs olduğunu cəmiyyətə nümayiş...

Tofiq Yaqublu ev dustaqlığına buraxıldı

 Bakı Apelyasiya Məhkəməsində Müsavat Partiyasının fəalı Tofiq Yaqublu barəsində hökmdən verilən şikayətlə bağlı ilkiin baxış iclası keçirilib.   ...

“Ermənistan ordusundakı əsgər çatışmazlığı PKK üzvləri hesabına doldurulur” – Polkovnik

 "Düşmən tərəfin nəinki əsgər, ümumiyyətlə insan çatışmazlığı var, xüsusilə də Dağlıq Qarabağda”.   Sfera.az xəbər verir ki, bunu ehtiyatda olan ...

Tofiq Yaqublu azadlığa buraxılır

  Müsavat Partiyasının Tofiq Yaqublunun səhhətində olan kritik vəziyyəti nəzərə alaraq onun hökm qüvvəyə minənə qədər azadlığa buraxılmasına dair vəsatət ...

BMT-nin ikinci ən böyük strukturu türkün rəhbərliyində

 Baş Assambleyaya sədrliyin Türkiyə və Azərbaycan üçün xüsusi əhəmiyyəti var Sentyabrın 15-də Nyu-Yorkda Birləşmiş Millətlər Təşkilatı (BMT) Baş Assambley...