Azərbaycanlı jurnalist Robert Köçəryanla olan fotosunun tarixçəsindən DANIŞDI – Müsahibə

Azərbaycanlı jurnalist Robert Köçəryanla olan fotosunun tarixçəsindən DANIŞDI – Müsahibə
"Atlas” Araşdırmalar Mərkəzinin rəhbəri, politoloq Elxan Şahinoğlunun Sfera.az-a müsahibəsi.

Onun fikirlərini təqdim edirik.

- Elxan bəy, sosial şəbəkələrdə Ermənistanın keçmiş prezidenti Robert Koçaryanın 1998-ci ildə İrəvanda Azərbaycandan olan jurnalistlərlə görşünü əks etidirən foto paylaşıb. Həmin fotoda siz də varsız. Həmin görüş haqda danışa bilərsiz?


- Əvvəla onu deyim ki, Birinci Qarabağ müharibəsi öncəsi Ermənistan və Azərbaycan QHT-ləri və jurnalistləri müxtəlif ölkələrdə görüşlər keçirərək, fikir mübadiləsi aparırdı. Bu görüşlərdə əsas müzakirə mövzusu təbii ki, Qarabağ ilə bağlı idi. Bundan əlavə iki ölkə jurnalsitlərinin qarşılıqlı səfərləri də baş tuturdu. Hətta xatırlayıram, erməni jurnalistlərin Azərbaycan səfəri baş tutmuş və bu səfər zamanı onlar mərhum Prezident Heydər Əliyevlə müsahibə almışdılar.
 
Həmin fotodakı görüşə gəldikdə isə 1998-ci ildə "Yeni Nəsil” Jurnalistlər Birliyinin sədri Arif Əliyev belə bir səfərlə bağlı müxtəlif qəzetlərə müraciət etmişdi. Mən də həmin vaxtlar "Azadlıq” qəzetində beynəlxalq əlaqələr şöbəsinin müdiri idim. Redaktorumuz bu səfərdə iştirak etmək vəzifəsini mənə həvalə etmişdi. Səfər öncəsi Arif Əliyev biz jurnalistlərdən kimlərlə görüşmək istədiyimizi soruşdu. Mən Levon Ter -Petrasyan, Serj Sarkisyan, Robert Köçəryan və s. şəxslərlə görüşməyi təklif etdim.
 
- Paylaşılan fotoda Robert Köçəryanla görüşdüyünüz görünür. Başqa kimlər ilə təmas qura bildiniz?


- Etiraf edim ki, bu mənim jurnalistika sahəsindəki ən məhsuldar səfərim idi. Çünki 5-6 gün İrəvanda olduq və olduqca maraqlı görüşlər keçirdik. Bundan başqa, erməni xalqının bizə olan münasibətini, mövcud vəziyyəti yerində dəyərləndirmək şansımız oldu.
 
Səfər zamanı Ermənistanın prezidenti Robert Köçəryanla da görüşdük. Daha sonra Serj Sarkisyanl görüşdük. Levon Ter-Petrasyanın özü ilə görüşmək imkanı qazanmasaq da onun yaxın adamı ilə görüşə bildik. Bundan başqa, bir sıra müxalifət nümayəndəsi, həmçinin erməni dövlət xadimləri ilə də görüşmək şansımız oldu. Onu da qeyd edim ki, bizdən başqa Gürcüstan jurnalistləri də Ermənistanda idi və biz onlarla da fikir mübadiləsi apara bildik.

- Elxan bəy, Robert Köçəryanla görüşünüz hansı atmosferdə keçdi?

- Həmin səfəri xatırlayıram. Köçəryana xeyli sual verdik. O zaman hələ daxili işlər naziri olan Serj Sərkisyanla da görüşdük. Mənim əsas suallarım Qarabağ münaqişəsi ilə bağlı idi. Köçəryana bu mövzu üzrə 4 və ya 5 sual verdim.
 
Mən həmin səfərdən və aldığım cavablardan bu qənaətə gəldim ki, məsələ müharibəsiz həll olunmayacaq. Çünki Robert Köçəryan mənim verdiyimi suallardan tədricən çıxılmaz hala düşdü və sonda müharibədən başqa yolun olmadığı şəklində bir cavab verdi.
 
Söhbətləşdi: Turan Rzayev
 
Sehliyali
Turan Bank

OXŞAR XƏBƏRLƏR

"Diplomatik təmaslar davam edir, Zəfər günü bu şad xəbəri alacağıq" – AÇIQLAMA

44 günlük Vətən müharibəsində əldə etdiyimiz tarixi, şanlı qələbənin bir ilinin tamamlanmasına sayılı günlər qalıb. Ölkəmizdə İlk dəfə qeyd ediləcək zəfər günü ...

Bakı Moskva ilə hərbi əməkdaşlıq edəcək - Bu şərtlə...

"Ərdoğan-Putin görüşündən öncə İlham Əliyevin Rusiya mediasına müsahibə verməsi təsadüfi deyil".    Sfera.az xəbər verir ki, bunu politoloq Asif Nər...

“Şuşanı azad edəndən sonra Vladimir Vladimiroviç mənə zəng vurdu, dedi ki...”

Azərbaycan prezidenti İlham Əliyev Rusiyanın "Nasionalnaya oborona” hərbi jurnalına müsahibəsində ötən ilin noyabrında, Qarabağda hərbi əməliyyatların dayandırı...

Azərbaycan Prezidentinin İqor Korotçenkoya müsahibəsinin TAM MƏTNİ

Azərbaycan Respublikasının Prezidenti İlham Əliyev Rusiyanın nüfuzlu "Nasionalnaya oborona” jurnalının baş redaktoru, tanınmış hərbi ekspert İqor Korotçenkoya m...

Azərbaycan Ermənistanı Beynəlxalq Ədliyyə Məhkəməsinə verdi

Azərbaycan "İrqi ayrı-seçkiliyin bütün formalarının ləğv edilməsi haqqında" Beynəlxalq Konvensiyanın pozulmasına görə Ermənistanı Beynəlxalq Ədliyyə Məhkəməsinə...

Əliyev müharibədən sonra BMT-də ilk çıxışında dünyaya hansı mesajları verəcək?

"İlham Əliyev BMT Baş Assambleyasının 76-cı sessiyasında videomüraciət formatında çıxış edəcək. Azərbaycan Prezidentinin BMT Baş Assambleyasında sonuncu çıxış...