Azərbaycanla əlaqələri pisləşərsə, İran milyardlar İTİRƏCƏK

Azərbaycanla əlaqələri pisləşərsə, İran milyardlar İTİRƏCƏK
İranla Azərbaycan arasında yaranan siyasi gərginliyin iki ölkənin iqtisadi münasibətlərinə də mənfi təsir imkanı var. İqtisadi münasibətlərdə gərginliyin özünü əsasən ticarət əməliyyatlarında, eyni zamanda turizm əlaqələrində göstərməsi mümkündür. 

Sfera.az bildirir ki, ticarət əlaqələri pisləşərsə, bundan daha çox İran zərər görəcək. İki ölkə arasında ticarət dövriyəsi böyük deyil. 2021-ci ilin yanvar-avqust dövrünə aid olan məlumata görə, ticarət dövriyyəsi 256 milyon dollar olmaqla cəmi ticarət dövriyyəsinin 1,26 faizini təşkil edib. 

Ticarətin həcmi kiçik olsa da, burada İranın payı böyükdür. İki ölkə arasında mal dövriyyəsinin 237 milyon dolları İranın, 19,2 milyon dolları Azərbaycanın payına düşür. Ticarətdə İranın qazancı 218 milyon dollar təşkil edib. Göründüyü kimi, İran Azərbaycandan aldığından 12,3 dəfə çox məhsulu ölkəmizə satır.

Rəsmi məlumatlara əsasən, Azərbaycan İrana təbii qaz, pambıq lifi, elektrik enerjisi satır. İrandan isə ölkəmizə gətirilən malların çeşidi çoxdur. 
Yanvar-iyul aylarına aid olan genişləndirilmiş məlumata görə, İrandan 212 milyon dollar dəyərində mal idxal edilib. Bunun 29,5 milyon dollarını tərəvəz (tərəvəzin 22 milyon dolları kartofdur), 29 milyon dollarını tikinti materialları, 19,6 milyon dollarını rezin və plastik kütlədən hazırlanan mallar, 16,9 milyon dollarını meyvə (portağal 6,7 milyon dollar, xurma 4 milyon dollar, kivi 1,55 milyon dollar), 15,4 milyon dollarını təbii qaz, 12,1 milyon dollarını əlvan və qara metallardan hazırlanan məmulatlar, 10,5 milyon dollarını polietilen idxalı təşkil edib. Adıçəkilən məhsullardan başqa 8,7 milyon dollarlıq avtomobil ehtiyat hissələri, 7,5 milyon dollarlıq kimya sənayesi məhsulları idxal olunub. 

İki ölkə arasında turizm dövriyyəsi ticarət əməliyyatları ilə müqayisədə daha böyükdür. 2020-ci ildə pandemiyanın yayılmasından sonra dövriyyə xeyli kiçilib. Pandemiyaya qədər bir ildə Azərbaycana 3,17 milyon turist gəlib. Turistlərin 257 min nəfəri İran vətəndaşları olub. Azərbaycandan İrana gedənlərin isə sayı daha çoxdur. Xaricə gedən 5,57 milyon turistin 2,044 milyonu İrana səfər edib. 
Müxtəlif məlumatlara əsasən, Azərbaycan vətəndaşları pandemiyaya qədər hər il İranda 1 milyard dollara yaxın pul xərcləyirdi. 

İqtisadi göstəricilərin təhlili göstərir ki, münasibətlərin pisləşməsi iqtisadi əlaqələrə də zərər verərsə, bundan daha çox İran ziyan edəcək. İranın illik zərəri 1 milyard dollardan artıq olacaq.

Vasif
Sfera.az
 
   

Sehliyali
Turan Bank

OXŞAR XƏBƏRLƏR

Koronavirusun yeni ştamı nefti ucuzlaşdıramağa davam edir – Nələr baş verəcək?

Dünən beynəlxalq birjalarda neft qiymətlərinin kəskin enməsi "OPEC+” ölkələrinin hasilatın artırılması qərarını təxirə sala bilər.  Sfera.az xəbər ve...

Azərbaycan nefti kəskin ucuzlaşdı

Azərbaycanın dünya bazarına çıxararaq satdığı "Azeri LT CIF" markalı xam neftin qiyməti 8,91 ABŞ dolları, yaxud 10,8 % azalıb. Sfera.az xəbər verir ki, "A...

"Qara cümə" fırıldağı: Alıcılar necə aldadılır?

Bu gün dünyada "Black Friday”- yəni "Qara Cümə” günü keçirilir. Bir çox iri şirkətlərdə, ticarət mərkəzləri və mağazalarda yüksək endirim kampaniyaları təqdim o...

Dolların bahalaşması Azərbaycana necə təsir edəcək?

Son aylarda ABŞ dollarında müşahidə edilən bahalaşmanın hələ bir müddət davam edəcəyi proqnozlaşdırılır. ABŞ mərkəzi bankının açıqlamaları və tanınmış maliyyə i...

Lirə 14 qəpiyə qalxdı

Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb. Sfera.az xəbər verir ki, 2021-ci ilin noyabrın 25-də ABŞ dollarının məz...

Azərbaycanda bahalaşma uzunmüddətlidir - ŞƏRH

Rəsmi məlumatların təhlili göstərir ki, ölkəmizdə qiymət artımları uzunmüddətli qiymət dəyişikliklərindən qaynaqlanıb.   Sfera.az bildirir ki, qiy...