Sfera.az bildirir ki, yeni mehmanxanaların 10-nu Bakıda, biri Qax rayonunda, biri Quba rayonunda, daha bir ədədi İsmayıllı rayonunda istifadəyə verilib. 

Mehmanxanaların daha çoxu Bakıdadır. Paytaxtda 213 mehmanxana var. Xaçmaz rayonunda 54, Masallı rayonunda 31, Quba rayonunda 26, Lənkəran şəhərində 23 mehmanxana fəaliyyət göstərir. Ən az mehmanxana Daşkəsən, Zərdab, Füzuli və Tərtər rayonlarındadır - bu rayonların hər birində bir mehmanxana var.  

2020-ci ildə pandemiyanın olması və xüsusi karantin rejiminin tətbiq edilməsi mehmanxanaların zərərə uğramasına səbəb olub. 2019-cu ildə 142,2 milyon manat gəlir əldə edən mehmanxanalar 2020-ci ildə 55 milyon manat zərər edib. 

Mehmanxanaların zərərə uğramasının səbəbi doluluq səviyyəsinin 21 faizdən 6,5 faiz düşməsidir. Bakıda olan mehmanxanalardakı yerlərin 9,5 faizi dolsa da bölgələrdə doluluq göstəricisi 2-5 faiz olub.

Mehmanxanaların zərərə uğraması işçi sayının azalması ilə nəticələnib. 2019-cu ildə mehmanxanalarda 12 841 işçi çalışdığı halda, ötən il 10 731 işçi çalışıb. Bir ildə işçilərin sayında 16,4 faiz azalma baş verib.