Bakıda "Zirə” komandasının afrikalı futbolçusu soyulub. Hadisə Bakının Səbail rayonunda baş verib. Afrikalı futbolçunu dilənçilər qarət edib.

Sfera.az xəbər verir ki, bu barədə oxu.az Səbail rayonu Polis İdarəsinə istinadən xəbər yayır.

Məlum olub ki, 37 yaşlı paytaxt sakini Məmmədov Hüseynov polisə müraciət edib.

O bildirib ki, dekabrın 17-də saat 16:50-də Nigar Rəfibəyli küçəsində, 14 saylı binanın yaxınlığında iki dilənçi Botsvana Respublikasının vətəndaşı Mfo Kqasvana yaxınlaşıb. Onlar gedəndən sonra afrikalı cibindən 500 və 15 manat pul oğurlandığını aşkar edib.

Bununla əlaqədar 9-cu Polis Bölməsi araşdırmalara başlayıb.

Qeyd edək ki, əcnəbi futbolçu "Zirə” futbol klubunda 23 nömrə altında çıxış edən hücumçudur.