Azərbaycan və Ermənistan xarici işlər nazirlərinin Dağlıq qarabağ münaqişəsinin nizama salınması ilə bağlı növbəti görüşü ATƏT-in Minsk qrupunun həmsədr ölkələrindən biri olan Rusiyanın paytaxtı Moskvada keçiriləcək.

Virtualaz.org bildirir ki, bu barədə "Moskva-Baku” portal məlumat yayıb.

Qeyd olunur ki, görüşdə Rusiyanın xarici işlər naziri Sergey Lavrov da iştirak edəcək.

Xatırladaq ki, dünən Azərbaycanın xarici işlər naziri Elmar Məmmədyarov da analoji açıqlama vermişdi. Nazir onu da bildirmişdi ki, "Münaqişənin 30 il davam etməsindən Ermənistan itirib. Ermənistan Azərbaycanla münasibətləri normallaşdırmasa, gələcəyi olmayacaq”.

Hazırda görüşün tarixi ilə bağlı danışıqlar aparlır.