Moskva vilayətinin Alabino hərbi poliqonunda təşkil edilən "Beynəlxalq Ordu Oyunları - 2019” yarışları çərçivəsində "Səhra mətbəxi” müsabiqəsində Azərbaycan komandası finala vəsiqə qazanıb.

Sfera.az "Real Tv"yə istinadən xəbər verir ki, bu gün iştirakçı komandaların çörəkçiləri şirniyyat məmulatlarının hazırlanmasında öz məharətlərini nümayiş etdiriblər.

Hakimlərin qərarına əsasən Azərbaycan komandası 239 balla birinci yerdə, Qazaxıstan komandası 238 balla ikinci yerdə, Monqolustan komandası isə 234 balla üçüncü yerdə qərarlaşıb.