No Image
No Image

Araik Arutyunuyanın azərbaycanlı sinif yoldaşı: "Kitabla vurub ağız-burnunu dağıtdım” – Müsahibə - FOTOLAR

Araik Arutyunuyanın azərbaycanlı sinif yoldaşı:

Sfera.az qondarma rejimin rəhbəri Araik Arutyunuyanın sinif yoldaşı olmuş xanımla onun haqqında müsahibəni təqdim edir. Xanım adının və fotosunun yayımlanmasını istəmədi.

- Arik Arutyunuyanla sinif yoldaşı olduğunuz haqqında məlumat əldə etdik. Bu, doğrudurmu?

- Bəli. Doğrdur. Mən Xankəndidə fəaliyyət göstərən 10 nömrəli rus məktəbində Araiklə bir neçə sinfi bir yerdə oxumuşam.

- Siz oralısınız?

- Yox. Atam institutda müəllim işləyirdi, ona görə bir müddət orada yaşadıq.

- Bu hansı illər idi?

- 1980-ci ildə birinci sinfə getmişəm. Araiklə 3-4-cü sinifləri bir yerdə oxumuşuq. Demək, söhbət 1983-1984-cü illərdən gedir.

- Mənə göndərdiyiniz foto da təbii ki, o illərə aiddir.

- Bəli. Birinci fotoda Araikin başının üstünə işarə qoymuşam. İkincidə onu tanıya bilmirəm. Həm şəkil bir az qaranlıqdır, həm də uzun illər keçib. Amma mütləq ordadır. Ariki boz bir uşaq idi. Xüsusi seçilən heç nəyi yox idi. Nə oxumağı, nə xarici görünüşü...

- İkinci fotodakı qadınlar kimdir?

- Qara geyimli sinif rəhbərimiz Areqa Levonovnadır. O birisinin adı, deyəsən, Venera idi. Soyadını unutmuşam.

- Başqa nələri xatırlayırsınız...

- Ermənilər o vaxtdan şovinist idilər. Bu xasiyyətləri uşaqlarına da sirayət eləmişdi. Eləcə də Araikə. Hətta bunun üstündə Araiki bir dəfə möhkəm çırpmışam (gülür).

- Necə?

- Mənə "Tork! Tork” deyirdi bütün günü. Həm də aşağılayaraq, incidərək söyləyirdi. İt qurusu bir oğlan idi. Cılız. Əfəl. Mən də yekəpər, davakar qız idim. Bir gün kitabla düşdüm bunun üstünə. Harasına gəldi ilişdirdim. Bir də baxdım, ağzının-burnunun qanı bir yerə qarışıb. Ağladı. Qaçdı evə. Anası onu götürüb müəllimlər otağına gəldi. Mənim atam da gəldi. Bizi də çağırdılar. Araikin anası məktəb direktoru ilə dirəşmişdi ki, məni məktəbdən qovsun. Atam da elə-belə adam deyildi. Dalaşmağımızın səbəbini öyrənən kimi bunlara necə cavab verdisə, dillərini qarınlarına soxdular.

- Sizi də danışdırdılar?

- Danışdırdılar, sonra koridora cıxartdılar. Dedilər, nə danışdığınızı xatırlayırsız? Niyə vurdun Araiki? Dedim, mənə "Tork” dedi. Dedilər, Araik, ona elə demisən? Dedi, ha, asalım... (gülür)

- Nə deməkdir?

- Ermənicə, hə, demişəm, deməkdir. Tapşırdılar ki, bir də elə demə. Amma bundan sonra da dinc durmurdum. Sinifdə iki azərbaycanlı idik, qalanı erməni idi. Görünür, bizə kin-küdurətlərini uşaq hissiyyatımla hiss eləmişdim. Ona görə, gündə biri ilə dalaşırdım. Atam vəziyyəti belə görəndə məni 4 nömrəli Azərbaycan məktəbinə dəyişdi.

- Bununla da erməni uşaqlarla, o cümlədən Araiklə əlaqəniz kəsildi.

- Kəsildi. Amma... (Duruxur)

- Amma nə?

- Sizə bir sirr açmaq istəyirəm.

- Buyurun.

- Mən sosial şəbəkələrdə lap erkən dövrlərdən aktiv olmuşam. Hələ söhbət "odnaklassik”in populyar vaxtlarından gedir. Orda maraq üçün məktəbimizi və sinif yoldaşlarımızı axtarışa verdim, hamısı orda idi. Mən onları izlədiyimi bildirmirdim. Onlar orta məktəb illərindən yazır, məni də xatırlayırdılar. Allahüçünə, pis heç nə yazmırdılar. Bir gün mənim də olduğum fotonu paylaşdılar. Mən də bu fotonu öz səhifəmdə paylaşdım. Onda bildilər ki, izləyirəm bunları. Səhər durdum, gördüm, hamısı dostluq atıb. Yaxın bir adamımla məsləhətləşdim. Dedi, problem deyil, dostluqlarını qəbul elə, amma ünsiyyətə girmə, heç bir reaksiya vermə, sadəcə izlə gör nə edirlər. Biri Fransada, biri Kanadada, biri Rusiyada, mənə sevgi dolu sözlər yazır, olduqları yerə qonaq dəvət edirlər. Bəziləri Ermənistana getmiş, bəziləri Xankəndidə qalmışdı.

- Araik də orda idi?

- Orda idi. Hətta mənimlə maraqlandı, ailə qurub-qurmadığımı, harda yaşadığımı, nə iş gördüyümü soruşdu. Cavab vermədim. Sonra mənə yazdı ki, hər şey bizim üçün yaxşı olacaq, sizin üçün bilmirəm. Elə buna görə hamısını bloka atdım.

- Nəyi nəzərdə tuturmuş səncə?

- Yəqin orda qondarma rəhbər olacağını...

- Onda hələ olmamışdı?

- Yox.

- İndi elə bir ünsiyyət imkanınız olsa nə deyərdiniz?

- Onların beyni zəhərlənib. Nəsə deməyin xeyri yoxdur. Adam anormaldırsa, ona nə deyəsən?

- Hər halda, qələbədən sonra deyəcək bir sözün olardı...

- Olmaz olurmu? (Gülür) Eynən bu cür deyərdim: "Nə oldu, Araik?” Mənim sənə elədiklərimi indi ordumuz sizin cinayətkarlara qarşı elədi, gördünmü? Qanınız tökülməyincə ağlınız başınıza gəlmir.

(kulis.az)

Sehliyali
Turan Bank

OXŞAR XƏBƏRLƏR

Mahir Qurbanov Kosta-Rika mediasına müsahibə verib

Qafqaz-İberoamerika Düşüncə Mərkəzinin rəhbəri Mahir Qurbanov Kosta-Rikanın tanınmış  "La Voz de Goicoechea” xəbər portalına müsahibə verib. Sfera...

"Prezidentin bu Fərmanı Ermənistan üçün məcburi xarakterli “müalicə” tədbiridir..."

Sfera.az Milli Məclisin deputatı Ülvi Quliyevin Moderator.az-a müsahibəsini təqdim edir.   - Son vaxtlar Ermənistan  müxtəlif istiqamətlərdə atəşkəs...

“Rauf Arifoğlu ilə Pənah Hüseynin evində görüşdük, ona dedim ki...” – İqbal Ağazadə ilə MÜSAHİBƏ

"Sevinək ki, İqbal Ağazadənin həm pulu var, həm də demokratik cəmiyyət uğrunda mübarizə aparır" "Ümid" partiyasının sədri İqbal Ağazadə Sfera.az saytına...

“Rusiya tərəfdarı olanlar Azərbaycanı 200 il geriyə atıblar” - SİYASİ ANALİTİK

Cənubi Qafqazda və qonşu regionlarda geopolitik durum sabitləşmək bilmir. Müharibədə məğlub olan Ermənistan sistematik olaraq Tovuz və Kəlbəcər istiqamətində mö...

"İndiyə qədərki heç bir müttəfiqlər arasında bağlanan müqavilələrdə belə bənd olmayıb"

"Türkiyəyə qarşı vuruşmaq ehtimalı yaranarsa, ermənini kim müdafiə edir etsin, Ermənistan bu müharibədən salamat çıxa bilməz".    Sfera.az xə...

"48 saat ərzində 21 erməni mövqeyi götürdük" - Kəşfiyyat rəisi

Bu gün Silahlı Qüvvələr günüdür. Bu münasibətlə vətənin keşiyində duran bütün hərbçiləri təbrik edirik! Həmin hərbçilərdən biri də şanlı zəfər tariximizin qızıl...