AMB-dən saxta yüz manatlıqlar barədə - AÇIQLAMA + VİDEO

AMB-dən saxta yüz manatlıqlar barədə - AÇIQLAMA + VİDEO

Sosial şəbəkələrdə saxta 100 manatlıq əsginaslarla bağlı videogörüntülər yayılıb. Həmin görüntülərdə qeyd olunur ki, bu saxta pulları orijinal əsginaslardan ayırmaq çətindir.

Adıçəkilən video cəmiyyətdə ciddi müzakirələrə səbəb olub. Bəs insanlar saxta əsginaslarla qarşılaşdıqdaaldanmamaq üçün nələrə diqqət etməlidir?

Məsələ ilə bağlı Azərbaycan Mərkəzi Bankı (AMB) Oxu.Az-ın müvafiq sorğusunu cavablandırıb.

Qeyd olunub ki, AMB Daxili İşlər Nazirliyi ilə birlikdə müvafiq araşdırmalara başlayıb:

"Mərkəzi Bank pul nişanlarının saxtalaşdırılmasına qarşı mübarizənin gücləndirilməsi ilə bağlı hüquq-mühafizə orqanları ilə ciddi koordinasiya işləri aparır. AMB tərəfindən aşkar edilmiş bütün saxta pul nişanları dərhal hüquq-mühafizə orqanlarına təqdim edilir və birgə araşdırmalar aparılır.

Sosial şəbəkələrdə saxta 100 manatlıq pul nişanına dair yayılmış videogörüntü iləbağlı araşdırmalar gedir. Mərkəzi Bank Daxili İşlər Nazirliyi ilə birlikdə müvafiq istiqamətdə araşdırmalar aparır”.

Bildirilib ki, həyata keçirilmiş birgə tədbirlər,eləcə də, pul nişanlarımızın yüksək mühafizə sistemlərinə malik olması nəticəsində onların saxtalaşdırılması səviyyəsi beynəlxalq təcrübə ilə müqayisədə aşağıdır və tədavüldə olan hər 196 min ədəd pul nişanına bir ədəd saxta pul nişanı düşür:

"Müqayisə üçün, avro üzrə dövriyyədə olan hər 30 min ədəd pul nişanına bir ədəd saxta, ABŞ dolları üzrə dövriyyədə olan hər beş min ədədə birədəd saxta, Rusiya rublu üzrə isə dövriyyədə olan hər 132 minə bir ədəd saxta pul nişanı düşür”.

Sorğuya cavabda deyilir ki, Azərbaycan Mərkəzi Bankı qanunvericiliyə uyğun olaraq davamlı tədbirlər həyata keçirir. Dövriyyəyə buraxılmasından 13 il müddət keçməsinə baxmayaraq, milli pul nişanlarımız müasirliyinə, eləcə də mühafizə sisteminə görə öz aktuallığını qoruyub-saxlayır:

"Bununla belə, bütün ölkələrdə olduğu kimi, Azərbaycanda da pul nişanlarının saxtalaşdırılması cəhdləri olur. Milli pul nişanlarımızın təhlükəsizlik elementləri yüksək səviyyədədir və avro pul nişanlarına uyğun dördpilləli "mühafizə fəlsəfəsi” əsasında hazırlanıb.

Belə mühafizə sistemi pul nişanlarının mühafizə elementlərinin həqiqiliyinin tədavülün bütün mərhələlərdə (əhali, ticarət müəssələri, kredit təşkilatları və Mərkəzi Bank) müəyyən etməyə imkan verir”.

 


 

OXŞAR XƏBƏRLƏR

Xəzər Siyasət Mərkəzi COVID-19-un iqtisadi nəticələrinə dair virtual görüş təşkil edib - VİDEO

Bu gün Xəzər Siyasət Mərkəzi (XSM) Xəzər regionunda mövcud COVID-19 pandemiyasını və onun regional hökumətlərin iqtisadi siyasətlərinə ola biləcək potensial təs...

Vergi və sosial qanunvericiliyə edilən yeni dəyişikliklər nədən ibarətdir?

  Azərbaycan Prezidentinin fərmanları ilə Vergi Məcəlləsində və "Sosial sığorta haqqında” qanunda dəyişikliklər təsdiq edilib.  Sfera.az "APA T...

“Bank BTB”in yeni Azadlıq filialı fəaliyyətə başlayıb - VİDEO

  "Bank BTB” yeni - Azadlıq filialının açılışını qeyd edib. Şəhərin mərkəzində - Bakıxanov küçəsi, Azadlıq prospekti 128 P ünvanında fəaliyyətə başlayan f...

Azərbaycanda bu sahibkarlara vergi güzəştləri edilir - RƏSMİ + VİDEO

 "Vergi Məcəlləsində edilən güzəştlər artıq pandemiyadan zərər çəkən iqtisadi fəaliyyət sahələrinə verilən güzəştlərdir. Qanunda həmin sahələrin adı verilm...

Azərbaycan xarici ölkələrin konteyner terminallarından istifadə edə bilər - VİDEO

  "Yeni marşrutlar üzrə multimodal yükdaşıma texnologiyalarının işlənməsi, logistika məhsullarının hazırlanması, test qatarların buraxılması, blok qatarla...

Təmassız ödənişlər yeni kartlarda!

  Son günlərin aktual mövzusu dünyada yayılan Covid-19 virusudur. Koronavirusla mübarizə aparmaq məqsədilə əksər ölkələrdə təhlükəsizlik və karantin tədb...