No Image
No Image
No Image

Adil Əliyevdən AMEA-nın ünvanına istehzalı sözlər

Adil Əliyevdən AMEA-nın ünvanına istehzalı sözlər
 

Vaxtilə qədim yunan filosofu Platon Akademos bağında gəzə-gəzə tələbələrinə dərs deyirdi. Və bir gün bu gəzintili dərslər akademiya adını aldı. Təmtəraqdan, görsənişdən tamamilə uzaq, olduqca təvazökar bir şəraitdə yaranan və fəaliyyət göstərən akademiyalar daha sonra Avropanın İntibah dövründə yenidən gündəmə gəldi. Qitənin ən yenilikçi aydınları bir araya toplanaraq elmi müzakirələrlə ölkələrini daha aydın sabahlara apardılar.

Sfera.az xəbər verir ki, bu sözləri Milli Məclisin sədr müavini Adil Əliyev qeyd edib.

"İstər antik dövrün ən böyük ziyalısı, alimi olan Platon, istərsə də Avropa İntibahının əsasını qoyan böyük aydınlar bilsəydilər ki, XXI əsrdə Azərbaycan Milli Elmlər Akademiyası adlı bir qurum dövlət yetkililəri ilə görüşdə yalnız maşınlarının köhnəliyindən danışıb yeni avtomobillər almaq istəyəcəklər, ərsəyə gətirdikləri akademiyalarının adından bu cür istifadə edilməsindən xeyli xəcalət çəkərdilər. Çünki insanlıq tarixinə böyük töhfələr verən bu dühalar heç bir zaman şəxsi nəqliyyat vasitələrinin olması barədə düşünməyiblər. Onlar beyinlərini yalnız və yalnız elmin inkişafına sərf edib, böyük çətinliklə əldə etdikləri vəsaitləri elmi-texniki avadanlıqların alınmasına xərcləyiblər. Və həqiqətən də böyük elmi tərəqqilərə imza atıblar.

XXI əsrin ilk çeyrəyində isə AMEA-na hər il on milyonlarla vəsait ayrılır, yüzlərlə akademik, minlərlə professor adını daşıyan insan bu elm ocağında fəaliyyət göstərir, ortaya isə ciddi heç bir ixtira qoyulmur. AMEA rəsmiləri dövlət yetkililəri ilə görüşlərində 165 nəqliyyat vasitəsinin olduğundan bəhs edir və onların mütləq əksəriyyətinin köhnəliyindən şikayətlənirlər. Dolayısıyla dövlətdən daha komfort həyatla təmin olunmaq imkanı tələb edirlər. Başqa sözlə desək, dərdləri-sərləri elmi tərəqqiyə imza atmaq yox, yeni maşınlarda gəzməkdir.

Bir daha xatırlatmaq istərdim ki, akademiyanın ilk qurucusu Platonun heç tələbələriylə bir araya gəlmək üçün sinif otağı da yox idi. Məcburən Akademos bağında gəzə-gəzə dünyanın qaranlıq üfüqünü işıqlandırırdılar. Bizim AMEA isə istifadə müddəti bitmiş köhnə nomenklatura məmurlarının ölkəni qaranlıq çağlara qaytarmaq üçün apardıqları müzakirələrin mərkəzinə çevrilib”, - A.Əliyev sosial şəbəkə hesabında yazıb.

OXŞAR XƏBƏRLƏR

Hikmət Hacıyevin Ermənistanın PKK-çılarla işbirliyi barədə dedikləri "Dailysabah"da

Ötən gün Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev İngiltərə Əcnəbi Jurnali...

İlham Əliyev Putindən Moskvaya dəvət almadığını bildirdi

Prezident İlham Əliyev Dağlıq Qarabağ münaqişəsi ilə bağlı rusiyalı həmkarı Vladimir Putindən Moskvaya dəvət almadığını açıqlayıb.   Sfera.az xəbər verir...

PKK-nın Qarabağda 7 düşərgəsi üzə çıxdı

Erməni silahlı qüvvələri ilə birgə Qarabağda döyüşən terroçu təşkilat kimi tanın PKK-nın düşərgələri ifşa edilib.  Sfera.az  xəbər verir ki, PKK...

Yuriy Podolyaka: Azərbaycan Ordusu Qubadlını nəzarətə götürüb, Laçın və Xocəvəndə yaxınlaşıb

Ukraynalı ekspert Yuri Podolyaka "YouTube" kanalında Azərbaycan Ordusunun artıq Qubadlı rayonunu götürdüyünü, Laçın və Xocavəndə yaxınlaşdığını iddia edib. ...

1992-ci il, Şuşada sonuncu çay... - FOTOLAR

"National Geografic” jurnalının tanınmış foto-jurnalisti, Azərbaycan əsilli fransız fotoqraf Rza Diqqəti (Reza Deghati) Şuşada 1992-ci ildə çəkdiyi fotoları pay...

Erməni diasporu daxilində parçalanma: “Müharibə partiyası “kompromislər partiyası”na qarşı

Azərbaycanla Ermənistan arasında yaşanan hərbi konflikt Rusiyada ölkənin hansı mövqedə dayanması ilə bağlı emosional ziddiyyətlərin meydana gəlməsilə müşayiət...