ABŞ inflyasiyanı zəiflətmək üçün dolları bahalaşdıracaq

ABŞ inflyasiyanı zəiflətmək üçün dolları bahalaşdıracaq
ABŞ mərkəzi bankının (FED) rəhbəri Cerom Pauel dünyada yüksək inflyasiyanın qalıcı olacağına dair xəbərdarlıq edib. Pauel bu səbəbdən FED-in qiymətli kağız alışını sürətlə azalda biləcəyini söyləyib.

Sfera.az xəbər verir ki, 2021-ci ilin oktyabrında ABŞ-da illik inflyasiya 6,2 faizə yüksəlib. Mövcud inflyasiya səviyyəsi ABŞ üçün olduqca yüksəkdir və FED bahalaşma sürətinin zəiflədilməsi üçün yumşaq pul-kredit siyasətindən imtina etməyə hazırlaşır. 

FED hər ay iqtisadi aktivliyi artırmaq üçün daxili bazardan 120 milyard dollar dəyərində qiymətli kağız alır. Dekabrdan qiymətli kağız alışı hər ay 15-20 milyard dollar azaldılacaq və 2022-ci ilin ikinci yarısına qədər tam dayandırılacaq.
FED rəhbərinin sözlərinə görə, istiqraz alışının azaldılması daha sürətlə aparıla bilər. O bu məsələnin idarə heyətinin növbəti görüşündə müzakirə ediləcəyini deyib. 

Əgər idarə heyəti bu təklifi qəbul edərsə, ABŞ 2022-ci ilin birinci yarısından yumşaq pul-kredit siyasətindən imtina edib, faizləri artıra bilər. Hazırda FED-in müəyyənləşdirdiyi uçot dərəcəsi 0-0,25 faizdir və mövcud vəziyyətə uyğun olaraq faizlərin artırılması ehtimalı böyükdür. 

FED istiqraz alışını dayandırdıqdan sonra faizləri də artırarsa, o halda dollar bir qədər də bahalaşacaq və nəticədə qiymət artımları səngiyəcək. Gözlənilir ki, bundan sonra inflyasiya səviyyəsi ABŞ üçün əlverişli olan 2 faizlik həddə enəcək. 

Qeyd edək ki, 2021-ci ildə yüksək qiymət artımları əksər ölkələrdə müşahidə olunur. Bu il ən yüksək inflyasiya Venesuellada qeydə alınıb. Cənubi Amerika ölkəsində illik müqayisədə qiymətlər 1 575 faiz artıb. 

İllik inflyasiya Livanda 173,6 faiz, Argentinada 52,1 faiz, Türkiyədə 19,9 faiz, Nigeriyada 16,6 faiz, Gürcüstanda 12,8 faiz olub.

Azərbaycanla yaxın ticarət əlaqələri olan Rusiyada 7,4 faiz, Ukraynada 10,9 faiz, Belarusda 10,7 faiz qiymətlər artıb. 

Qiymətlərin sürətlə artması mərkəzi bankları sərt pul-kredit siyasətinə keçməyə məcbur edir.  

Azərbaycanda isə oktyabrda illik bahalaşma 5,7 faizdir. Ölkəmizdə qiymətlərin nəzərdə tutulandan çox bahalaşması səbəbindən Mərkəzi Bank uçot dərəcəsini 7 faizə qaldırıb. Azərbaycanda ilin yekununda inflyasiyanın 6 faizə çatacağı güman edilir. 

Vasif
Sfera.az

Sehliyali
Turan Bank

OXŞAR XƏBƏRLƏR

Dollarla qoyulan əmanət faizləri azaldılır

Azərbaycan bankları xarici valyutada qoyulan əmanətlər və depozitlər üzrə faizləri bir qədər də azaldıb. Bu hal xarici valyutada banklara qoyulan depozit və əma...

Mərkəzi Bank 10 milyard dolları necə itirib? - Sədrdən açıqlama

"2008-ci ildən dünyada qlobal maliyyə böhranı başladı. Ölkədə makroiqtisadi sabitlik pozulmadı. Neftin qiyməti kəskin düşsə də, tez bir zamanda bərpa olundu”. ...

Elman Rüstəmov bahalaşmadan DANIŞDI

"Dünyada ərzaq qiymətləri 23,5 faiz artıb, qiymətlərin yüksəlməsi fonunda 2022-ci ilin əvvəllərində istehlak səbətində un və un məmulatlarının bahalaşmasını qaç...

Mərkəzi Bank inflyasiya ilə bağlı yeni proqnozlarını AÇIQLADI

"Bu il Azərbaycanda illik inflyasiyanın hədəf diapozonundan (2-6%) yuxarı - 6,6-7,5% təşkil edəcəyi gözlənilir". Sfera.az  xəbər verir ki, bunu keçir...

AMB uçot dərəcəsini artırdı

Azərbaycan Mərkəzi Bankının (AMB) İdarə Heyəti uçot dərəcəsi ilə bağlı yeni qərar verib. Sfera.az  xəbər verir ki, bu barədə Mərkəzi Bankın sədri Elm...

Mərkəzi Bankdan dollarla bağlı məlumat - RƏSMİ

Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub. Sfera.az xəbər verir...