Sfera.az Milli.Az-a istinadla xəbər verir ki, COVID-19-nin törədicisi olan SARS-CoV-2 məlumatlarını təhlil etdikdən sonra məlum olub ki, xəstəliyin orta inkubasiya dövrü 5,1 gündür. Tədqiqat nəticələrinə görə, 14 günlük karantin elan olunması ağlabatan ehtiyat tədbirləridir.

Qeyd olunur ki, insanların 97,5 faizində SARS-CoV-2 simptomları infeksiyaya yoluxandan sonra 11,5 gün ərzində görünür. Şöbə vurğulayıb ki, xəstəliyin inkubasiya dövrünün dəqiq müəyyənləşdirilməsi COVID-19 yayılmasının dinamikasının daha yaxşı qiymətləndirilməsinə və effektiv nəzarət tədbirlərinin inkişafına imkan verəcək.

Son məlumatlara görə, dünyada 306 mindən çox insan koronavirusa yoluxub, 13 mindən çox insan ölüb, 92,3 min nəfər sağalıb. İnfeksiya 2019-cu il dekabrın sonlarında Çinin Uhan şəhərində başlayıb. (publika.az)