TuranBank ASC Koronavirusla Mübarizəyə Dəstək Fonduna vəsait ayırdı
12:30 / 23.03.2020
5064
Azərbaycanda fəaliyyət göstərən ilk kommersiya banklarından olan TuranBank
ASC sosial məsuliyyətli bankçılıq prinsiplərinə sadiq qalaraq koronavirus
(COVİD-19) pandemiyası ilə mübarizə çərçivəsində ölkəmizdə həyata keçirilən
preventiv tədbirlərə qoşulmuşdur. Bu məqsədlə, TuranBank Ölkə Başçısı cənab
İlham Əliyevin 19 mart 2020-ci il tarixli Fərmanı ilə yaradılmış Koronavirusla
Mübarizəyə Dəstək Fonduna 100 000 (Bir yüz min) AZN məbləğində vəsait
köçürmüşdür.
Qlobal pandemiyaya çevrilmiş təhlükəli xəstəliklə mübarizə üçün sosial
həmrəyliyin nümayiş etdirilməsini zəruri hesab edən Bankımız bütün vətəndaşları
dövlətimizin koronavirusla mübarizə istiqamətində həyata keçirdiyi qabaqlayıcı
tədbirlərə dəstək olmağa çağırır.
