Ötən gün martın 11-də Rusiyada Orenburq-Moskva reysi ilə uçan sərxoş sərnişinin təyyarədə dava salması və həbs olunmasından sonra bir çox mətbuat orqanları həmin şəxsin azərbaycanlı olması haqda məlumatlar yayıb. Əməkdaşlarımızın media üzərindən apardığı araşdırma nəticəsində həmin şəxsin iddia edildiyi kimi həmvətənimiz olmadığını aşkarlayıb.

Sfera.az-ın məlumatına görə bu barədə "Sputnik” informasiya agentiyinin erməni bürosu məlumat yayıb. Adıçəkilən saytın yazdığına görə, Rusiyada Orenburq-Moskva təyyarə reysiylə uçan və təyyarədə qalmaqal yaradan 37 yaşlı Ermənistan əsilli şəxsdir.

Sfera.az bildirir ki, insident haqda Rusiya DİN-in sözçüsü İrina Volk da məlumat yayıb. Onun bildirdiyinə görə, saat 20.30 radələrində hava gəmisinin kapitanı nəqliyyat polisi şöbəsinə təcili polis naryadının tələb edildiyi barədə məlumat göndərib. Nəqliyyat polisi operativ şəkildə hadisə yerinə-Orenburq aeroportuna gedib. Məlum olub ki, 37 yaşlı sərnişin təyyarəyə oturduqdan sonra özünü qeyri-adekvat aparıb.

Kobud ifadələr və söyüşlər işlədən sərxoş sərnişin hadisə yerinə gələn polis nəfərlərinin səyi nəticəsində neytrallaşdırılıb. Onun barəsində "hakimiyyət orqanının nümayəndəsini təhqir etmə” maddəsi üzrə cinayət işinin qaldırılması üçün materiallar toplandığı bildirilir.

Orxan

Sfera.az