Livanın "Hizbullah" hərəkatının baş katibi Seyid Həsən Nəsrullah dünən çıxışı zamanı ABŞ-ın İran İslam İnqilabı Keşikçiləri Korpusunu (SEPAH) "xarici terrorçu təşkilat” kimi tanımasını sərt şəkildə qınayıb. Nəsrullah çıxışı zamanı Amerika Birləşmiş Ştatlarının terrorizmin əsas mənbəyi olduğunu açıqlayıb:

 

"ABŞ terrorun əsas mənbəyi, rəhbəri və mahiyyətidir. Amerikalılar terrorun tərəfdarı deyil. Amma ABŞ hökuməti terrorun özüdür. Onun hərəkətləri terrorçuluqdur və biz bunun qarşısında dayanırıq. ABŞ İsrail rejiminə görə İslam ümmətini alçaldır, terrorçu qruplar yaradır və onlara kömək edir. Sonra da terrorçulara qarşı müqəddəs mübarizə aparanları terrorçu adlandırır. Bu tamamilə həyasızlıq və axmaqlıqdır". "Biz ABŞ-ın bu addımını qınayırıq və qardaşlarımızın yanında olduğumuzu bəyan edirik. SEPAH İslamı, ümməti və bölgə xalqlarını müdafiə edən böyük təşkilatdır", -  deyə Həsən Nəsrullah çıxışında bildirib.