Sabiq Baş Nazir 101 yaşında vəfat etdi
16:50 / 29.11.2019
2521
Yaponiyanın sabiq Baş Naziri Yasuhiro Nakasone 101 yaşında vəfat edib.
Sfera. az xarici mətbuata istinjadən xəbər verir ki, o, səhər saat 7 radələrində Tokiodakı xəstəxanalardan birində dünyasını dəyişib.
Nakasone dünyanın ən uzunömürlü keçmiş liderlərindən biri, eyni zamanda Yaponiya tarixində ən çox yaşayan ikinci hökumət başçısı olub.
O, 1947-ci ildə Nümayəndələr Palatasına seçildikdən sonra 20 dəfə Liberal Demokratik Partiyası (LDP) üzvü olaraq bu palatada təmsil olunub.
Nakasone 1982-86-cı illərdə Baş Nazir kimi fəaliyyət göstərib. O, 1997-ci ildə Yaponiyanın ən yüksək mükafatı sayılan Ali Xrizantema ordeni ilə təltif olunub, 2003-cü ildə isə siyasəti tərk edib.