"Sədaqəti Türkiyəyə bacısı göndərib" - Rafael Dadaşov
18:42 / 31.01.2016
903
Xalq artisti Rafael Dadaşov keçmiş həyat yoldaşı, Brilliant Dadaşovanın bacısı, aktrisa Sədaqət
Dadaşova Türkiyənin “Fox” telekanalında yayımlanan “Zuhal Topalla İzdivac” proqramına
qatılmasına münasibət bildirib.
Sfera.az musavat.com-a istinadən məlumatına görə, xalq artisti məsələ ilə bağlı danışmaq
istəmədiyini deyib: "O boyda tanınmış Brilliant bacısı var, ona zəng edin. Məndən niyə soruşursunuz? Mən Sədaqətin
əmisi oğluyam, evlilik proqramına qatılması barədə niyə danışmalıyam? Bu barədə bacısı danışsın.
Onu Türkiyəyə bacısı göndərib”.Xatırladaq ki, Oqtay adlı kişi üçün proqrama qonaq olan 64 yaşlı Sədaqət Dadaşova müraciət etdiyi
bəy barədə fikirlərini bölüşüb: “Gördüm ki, yaxşı və kübar adamdır. Bəyəndiyim üçün proqrama qatılmağa qərar verdim. Oqtay
bəyin anası ilə yaşadığını bilirəm. Razılaşsaq, İstanbulda onlarla yaşaya bilərəm”. S. Dadaşovanın evlilik proqramında iştirak etməsi isə sosial şəbəkələrdə birmənalı qarşılanmayıb.
İnsanlar aktrisanı 64 yaşında atdığı addıma görə tənqid ediblər. Sənətçinin qızı Səidə Dadaşova
saytımıza açıqlamasında anasının işlərinə qarışmadığını bildirib: "Anamın evlilik proqramına qatılmasından xəbərim yoxdur. Həm də ki, o, mənim anamdır,
mənə məsləhət verəndir. Mən valideynlərimə məsləhət verən deyiləm, onların işinə qarışmıram". Qeyd edək ki, S. Dadaşova “Bizim küçənin oğlanları” ( 1973), “Ömrün səhifələri” (1974),
“Çarvadarların izi ilə (f 1974), “Yaşıl eynəkli adam” (1987), “Yeddi oğuldan biri” ( 2007) filmlərində rol alıb.
Sədaqət-Rafael cütlüyünün Səidə, Leyla və Ayxan adlı üç övladı var.