Dünən, avqustun 19-da Peterburqdakı Aleksandrovski xəstəxanasından polis bölməsinə, ora başından müxtəlif xəsarətlər alan Azərbaycan vətəndaşının gətirilməsi barədə xəbər daxil olub.

Bu barədə yerli KİV-ə şəhərin hüquq-mühafizə orqanlarındakı mənbələrdən məlumat verilib.

Zərərçəkənin dostunun dediyinə görə, Krılenko küçəsində ona iki nəfər naməlum şəxs hücum edib və döyüb. Zərər çəkəni qapalı kəllə-beyin travması, orta beyin kontuziyası, sol temporal bölgənin kontuziya-hemorragik ocaqları ilə xəstəxanaya çatdırıblar.

Həkimlər xəstənin vəziyyətini ağır kimi qiymətləndirirlər.

Zərər çəkən Rusiyaya avqustun əvvəlində şəxsi səfər məqsədi ilə gedib.

Hadisə yerində video nəzarət olmayıb.