Ölüləri məzardan çıxarıb yedizdirirlər, daha sonra... - Dəhşətli adətlər /Fotolar
00:21 / 22.09.2016
6922
İndoneziyanın Sulavesi adasına bağlı kiçik Rantepo qəsəbəsində hələ də qəribə bir adət davam etdirilir. Belə ki, qəsəbədə ölülər məzarda dəfn edilmir, ev sakinləri ilə birlikdə eyni otaqda saxlanılır. Toraja adı verilən bu qəbilə ölünün cəsədlərlə birlikdə yaşamasını ölüyə hörmət olaraq qiymətləndirir.
Qəsəbədəki hələ də davam etdirilən bu ənənə digərləri tərəfindın təəccüblə qarşılansa da, şəhər əhalisi bunu ölülərə hörmət kimi dəyərləndirir. Qəsəbə əhalisi ilk olaraq formalin adlı bir qarışığı cansız bədənə sürtür və bununla da cəsədin çürüməsinin qarşısını alırlar. Bundan sonra gündə 4 dəfə ölüyə yemək aparır, ölüylə danışırlar.
Ölmüş atasının cəsədini evində saxlayan sakinlərdən biri bu adəti belə izah edib: "Bunu etməyimizin səbəbi atamı çox sevməyimizdir. Əvvəllər birlikdə yemək yeyərdik, indi isə bizim onu yedizdirməyimiz lazımdır”.
Cəsəd 4 gün müddətinə evdə normal paltarlarında saxlanılır. Daha sonra bir cənazə mərasimi təşkil edilir və sonra yenə də tabutda 4 ay evdə saxlanılır. Ancaq 4 ay sonra Torajalılar ölüləri evlərindən çıxarmağa razı olurlar. Cəsədləri basdırmaq yerinə qəsəbə yaxınlığında böyük bir daş divarda nümayiş etdirilər.
İndoneziyanın Cənubi Sulavesi bölgəsində daha bir ağılalmaz adət var. "Manane”adlandırılan bir adətə görə, hər üç ildən bir ölülərinə olan hörmətlərini göstərmək və onları şərəfləndirmək üçün məzarları açırlar. Ailə üzvləri ölmüş qohumlarının məzarlarını tək-tək açıb, cəsədləri çölə çıxarırlar. Açılan məzarlardan çıxarılan ölülərin əyinlərindəki geyimlər təmizlənir, lazım olsa, yeniləri geyindirilir.
Ən dəhşətlisi isə bundan sonra başlayır. Belə ki, yenidən geyindirilmiş ölüləri qəsəbədə gəzdirilər. Gəzdirildikdən sonra isə yenidən məzara qoyurlar. Yerli xalq belə etməklə yaxınlarının hələ də onlarla birlikdə olmasına inanırlar.
Moderator.az bu ağılalmaz adətlərin fotolarını təqdim edir:
Hazırladı: Zəhra