Sfera.az rəsmi məlumatlara istinadən xəbər verir ki, 2021-ci ilin avqustun sonunda bir litr üzrə orta qiymət günəbaxan yağında 4,2 manat, qarğıdalı yağında 5,5 manat olub. İlin əvvəli ilə müqayisədə günəbaxan yağı 1,1 manat və ya 35,5 faiz, qarğıdalı yağı 1 manat, yaxud 22,3 faiz bahalaşıb. 

Son bir ilin müqayisəsində isə bahalaşma daha böyük olub. Belə ki, ötən ilin avqustu ilə müqayisədə bu ilin avqustunda günəbaxan yağı 1,3 manat (45 faiz), qarğıdalı yağı 1,2 manat (27,7 faiz) bahalaşıb. 

Azərbaycanda bitki yağları arasında son istehlak məhsulu kimi ən çox günəbaxan və qarğıdalı yağları istehlak edilir. Bu yağlarda qiymət artımının böyük olması ümumən qida məqsədilə istehlak edilən yağların dəyərinin son bir ildə 9 faiz artmasına səbəb olub.