Sİyasət

“Azərbaycanın yanında olmadılarsa, Türkiyənin də yanında olmayacaqlar” – Qənirə Paşayeva

“Azərbaycanın yanında olmadılarsa, Türkiyənin də yanında olmayacaqlar” – Qənirə Paşayeva
"Türkiyə bütün müsəlman dünyasının ən güclü qalasıdır. Əgər Türkiyə zəifləsə, bu ölkənin yerləşdiyi coğrafiyada yaranacaq xaotik vəziyyəti qaydasına salmaq çətin olacaq”.

Sfera.az xəbər verir ki, Türkiyənin Kastamonu şəhərinə səfər edən azərbaycanlı millət vəkili Qənirə Paşayeva belə deyib. O, açıqlamasında Xocalı soyqırımı və Türkiyə - Azərbaycan münasibətlərinə də diqqət çəkib:

"Müasir dünyanın gözləri qarşısında dəhşətli Xocalı soyqırımı baş verdi, Azərbaycan ərazilərinin 20 faizi işğal edildi. Lakin "insan haqları”, deyərək qışqıran Avropa Azərbaycandakı insanların faciəsini vecinə almadı. 26 ildir bu insanlar işğal altında olan vətənlərindəki doğmalarının məzarlarına gedə bilmirlər. Bir milyondan çox bacı-qarşdaşımız bu gün də bu dəhşətlərin ağrılarını yaşayır. Bu gün Xocalı adlı bir şəhər yoxdur. İnsanlar soyqırıma məruz qaldılar, amansıca öldürüldülər. Müasir dünya hələ də buna səssiz qalır. Avropa Parlamenti də terror məsələlərinə ikili standartlardan yanaşır”.

Qənirə Paşayeva Türkiyə ordusunun Suriyanın Afrin bölgəsində keçirdiyi antiterror əməliyyatlarından da danışıb:

"Türkiyə bu gün Afrində terrorizmə qarşı mübarizəni davam etdirir. Bu bölgədə terror təşkilatlarının düşərgələri var. Türkiyəni isə dayandırmaq istəyirlər. Həmin qüvvələr terrorizmlə mübarizədə bizim yanımızda deyillər. Əgər onlar terrorizmlə mübarizədə Azərbaycanın yanında olmadılarsa, Türkiyənin də yanında olmayacaqlar. Bütün variantlardan istifadə edib əngəl olmağa çalışırlar. Çünki Azərbaycan kimi Türkiyənin də güclənməsini istəmirlər”.

Azərbaycan və Türkiyənin yerləşdiyi bölgənin geostrateji əhəmiyyətindən danışan millət vəkili qeyd edib ki, bu regionun ən güclüləri türk dövlətləridir: "Avrasiya materikinin ən böyük millətlərindən biri bizik. Tarixdə ən çox imperiya quran millət də bizik. Avrasiyanın sonuncu imperiyası da türklərin olub. Lakin bu gün hər yer faciə içindədir. Bu gün biz yenə də böyük güc olmayaq deyə, oyunlar oynayırlar. Türkiyə də vətənimizdir, Azərbaycan da vətənimizdir. Bu vətənlər güclü olmasa, bu bölgə də güclü olmayacaq. Birinin zəifləməsi, hamısının zəifləməsi deməkdir”.


Mənsur Rəğbətoğlu
Sfera.az

AdRiver

XƏBƏR LENTİ

«    Dekabr 2018    »
B.eÇ.aÇC.aC.Ş.B
 12
3456789
10111213141516
17181920212223
24252627282930
31