Gündəm

Şəfəq Ağacan həbsxanada aclıq aksiyası keçirir? - RƏSMİ AÇIQLAMA

Şəfəq Ağacan həbsxanada aclıq aksiyası keçirir? - RƏSMİ AÇIQLAMA

Penitensiar Xidmət həbsdə olan Şəfəq Ağacanın aclıq aksiyası keçirməsi ilə bağlı yayılan məlumatlara münasibət bildirib.

Sfera.az xəbər verir ki, Xidmətin İctimaiyyətlə əlaqələr şöbəsinin rəisi Mehman Sadıqov unikal.org-a bildirib ki, Ş.Ağacan heç bir aclıq aksiyası keçirmir.

Onun sözlərinə görə, barəsində həbs qətimkan tədbiri seçilmiş qadın su və qida qəbul edir: "Penitensiar Xidmətin rəhbərliyindən olan rəsmi şəxs İstintaq Təcridxanasında məhkumların və həbs edilmiş şəxslərin qəbulunu keçirib. O cümlədən Şəfəq Ağacan da həmin qəbulda olub, onunla söhbət edilib. Şəfəq Ağacan heç bir probleminin olmadığını, aclıq aksiyası da keçirmədiyini bildirib”.

Qeyd edək ki, rəsmi məlumata əsasən, Ş.Ağacan Bakının Nərimanov rayonu ərazisində narkotik maddə olan marixuananı satarkən yaxalanıb.

Hüquq-mühafizə orqanlarının əməkdaşları onun üzərinə baxış keçirərkən ondan satmaq məqsədilə bükülmüş halda olan narkotik maddə aşkar edərək götürüblər.

Xatırladaq ki, Ş.Ağacan "Bakupress” milli informasiya agentliyinin rəhbəridir.

XƏBƏR LENTİ

«    Oktyabr 2019    »
B.eÇ.aÇC.aC.Ş.B
 123456
78910111213
14151617181920
21222324252627
28293031