Rövşən Əbdülhüseyn oğlu Abdullayev 1969-cu il yanvarın 16-da Lerik şəhərində anadan olub, sonralar ailəsi ilə birlikdə Astaraya, oradan da Lənkərana köçüb.O, Sank-Peterburq Ali Hərbi-Siyasi Məktəbini bitirib, gənc leytenant kimi 1991-ci ildə cəbhə bölgəsində xidmətə başlayıb, Zəngilan istiqamətində sücaətlə vuruşub, düşmənin Qafan rayonu ərazisindəki bir neçə strateji obyektinin məhv edilməsində xüsusi xidməti olub.

 

1992-ci il sentyabrın 13-də Şayıflı kəndi yaxınlığındakı döyüşdə axıra qədər vuruşub və qəhrəmanlıqla həlak olub.