Volkovun Ermənistana getməməsinin altında yatan səbəblər - Yaxında erməni qoşunları çıxarılacaq?

Volkovun Ermənistana getməməsinin altında yatan səbəblər - Yaxında erməni qoşunları çıxarılacaq?
"Qarabağda Rusiya sülhməramlılarının yeni komandanı Andrey Volkov sələflərindən fərqli olaraq, ilk səfərini Bakıya etdi və müdafiə naziri Zakir Həsənov tərəfindən qəbul edildi. Onun sələfləri ilk səfərlərini İrəvana edir və Ermənistan müdafiə naziri ilə görüşürdü”.
 
Sfera.az bildirir ki, bunu siyasi şərhçi Asif Nərimanlı deyib. O xatırladıb ki, Volkovun təyinatından bir neçə gün keçməsinə baxmayaraq, onun Ermənistana səfəri və bu ölkənin müdafiə naziri ilə görüşü haqda heç bir məlumat yoxdur:

"Yeni komandanın Ermənistana səfər edəcəyi, yaxud bu ölkənin rəsmiləri ilə görüşünün nəzərdə tutulduğuna dair hələ də heç bir məlumat yayılmayıb. Bu detal "Ermənistanın Qarabağda tərəf olmaqdan çıxması, Rusiyanın Qarabağı Azərbaycanın daxili məsələsi kimi qəbul etdiyi” fikrini gücləndirir. Ötən ilin sonlarından baş verən iki hadisə də bu ehtimalı gücləndirən məqamlardandır:

- Soçidə sərhədlərin delimitasiya və demarkasiyası üzrə razılaşma əldə olundu: razılaşmanın praktiki mərhələyə keçidi üçün yaxın dövrdə addımların atılacağı gözlənilir. Bu o deməkdir ki, Azərbaycan sərhədlərini tanıyacaq Ermənistanın Qarabağda tərəf olması perspektivini də sıradan çıxaracaq;

- Nikol Paşinyan ilin sonunda "Qarabağın statusunun Azərbaycan Konstitusiysına uyğun həll edilməlidir” açıqlaması ilə oyundan çəkiləcəyinin anonsunu verdi.
Bu proseslər fonunda Volkovun Ermənistana getməməsi təsadüfi deyil”.

Siyasi şərhçi bildirib ki, diqqət çəkən məqamlardan biri də Volkovun təyinatından bir gün sonra Putinlə Paşinyan arasında telefon söhbətinin aparılması və Qarabağın da müzakirə edilməsidir:

"Mümkündür ki, Putin Qarabağdakı yeni vəziyyəti Paşinyana izah edib. Prosesin bu istiqamətdə inkişafı erməni qoşunların yaxın dövrdə Azərbaycan ərazisindən çıxarılması (10 noyabr razılaşması, 4-cü bənd) prosesinin də başlaya biləcəyi ehtimalını artırır. Sərhədlərin müəyyənləşməsi məsələsində əsas zərurətlərdən biri də budur”.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Paşinyan yenə Putinə zəng etdi

Rusiya Prezidenti Vladimir Putinlə Ermənistanın Baş naziri Nikol Paşinyan arasında telefon danışığı olub, Azərbaycan-Ermənistan sərhədlərinin müəyyənləşməsi müz...

Sovet qoşunlarını Bakıya Artur Rasizadə dəvət edib? – Məxfi teleqramın şok təfərrüatları açıqlandı

Sovet ordusunun 20 yanvar 1990-cı il tarixində Bakıda törətdiyi qanlı hadisələrin 32-ci ildönümündə xatırlanan məmurlardan biri də Azərbaycanın keçmiş baş nazir...

“Bu, Ermənistanın növbəti oyunudur...” – Tofiq Zülfüqarov

"Erməni tərəfinin "Azərbaycanla dövlət sərhədinin demarkasiyası işlərinə başlamağa hazırıq” bəyanatı xoş səslənsə də, reallıq ondan ibarətdir ki, bu da erməni...

İlham Əliyevdən 20 Yanvar faciəsi ilə bağlı paylaşım - FOTO

Prezident İlham Əliyev 20 Yanvar faciəsi ilə bağlı rəsmi "Instagram” hesabında paylaşım edib. Sfera.az-ın məlumatına görə, dövlət başçısının hesabında pay...

“Bunu Ərdoğandan Zelenski xahiş edib” – Ankara görüşü müharibəni dayandıra bilər

"Ukraynanın şərqində baş verən hadisələr və Kiyev-Moskva gərginliyi hər keçən gün bir qədər da artır. Təəssüf ki, nə Kreml, nə də Vaşinqton qəti mövqelərindən...

Prezident onu səhiyyə naziri təyin etdi - SƏRƏNCAM

Teymur Musayev səhiyyə naziri təyin edilib. Sfera.az xəbər verir ki, bununla bağlı Prezident İlham Əliyev müvafiq sərəncam imzalayıb. Dövlət başçısı...