"Vəzifəyə gələn kimi işçilərdən ərizə yığır, savadlı kadrları uzaqlaşdırırlar" - Deputatdan yeni nazirlərə etiraz
Siyasət
11:40 / 15.10.2021
628
"Vəzifəyə yeni təyin olunan nazirlərdən çox şikayət alıram, onlar təyin olunan kimi işçilərdən ərizə yığırlar".
Sfera.az xəbər verir ki, bu fikirləri deputat Fazil Mustafa Milli Məclisin bugünkü iclasında səsləndirib.
Deputat yeni təyin edilən məmurların özbaşınalığından danışaraq bu kimi halların bir sıra qurumlarda baş verdiyini deyib:
"Yeni təyin olunan məmurlar vəzifəyə gələn kimi hamıdan ərizə yığıb, həmin şəxsləri 10-15 gün edam hökmünə məruz qalan kimi gözlədir. Kütləvi şəkildə vəzifəyə öz adamını yerləşdirmək üçün vəzifədən savadlı kadrların uzaqlaşdırması doğru deyil. Bu istiqamətdə tədbirlər görülməlidir".
Əzizə Zeynal
Sfera.az
