“Vaşinqton görüşü” niyə üçtərəfli formatda keçirilməyib?

“Vaşinqton görüşü” niyə üçtərəfli formatda keçirilməyib?
Azərbaycan və Ermənistan xarici işlər nazirlərinin "Vaşinqtonu görüşü” siyasi müzakirələrin ana xəttini təşkil edir.

Sfera.az xəbər verir ki, analitiklər görüşün Moskvada olduğu kimi üçtərəfli formatda baş tutmamasına xüsusi diqqət çəkir. Məlumat üçün deyək ki, ABŞ dövlət katibi Mayk Pompeo Rusiyanın Xarici İşlər naziri Sergey Lavrovdan fərqli olaraq Ceyhun Bayramov və Zöhrab Mnasakayanla ayrı-ayrılıqda görüşüb. Analitiklər hesab edir ki, görüşün bu formada keçirilməsi danışıqlarda ABŞ Prezidenti Donald Trampın dediyi kimi hansısa irəliləyişə nail olunduğu şübhə altına alır. Ermənistanın Xarici İşlər naziri Zöhrab Mnasakanyanın görüşdən dərhal sonra verdiyi açıqlamalar da göstərir ki, "Vaşinqton təması” deyildiyi kimi proqressiv notlarla yadda qalmayıb.

Ermənistan Azərbaycan üçün qəbuledilməz olan ənənəvi mövqeyindən geri çəkilməyib. Azərbaycan tərəfinin münaqişənin dinc yolla həlinə dair şərtləri isə bəllidir: Ermənistan silahlı qüvvələri işğal olunmuş əraziləri tərk etməlidir.

Analitiklərin fikrincə, Qarabağda eskalasiya başlayandan passiv mövqe tutan ABŞ-ın münaqişəyə diqqət ayırması daxili siyasətə hesablanmış addım sayıla bilər.

Vaşinqtondakı "Yaxın Şərq İnstitutu” Analitik Mərkəzin əməkdaşı Rauf Məmmədov Rusiyanın news.ru saytına bildirib ki, Qarabağda müharibə alovlanandan bəri ATƏT-in Minsk Qrupunun həmsədr ölkəsi olmasına baxmayaraq Ağ Evin passiv rol oynaması göstərir ki, "Vaşinqton görüşü”ndən hansısa irəliləyiş gözləməyə dəyməz.

"Ermənistan və Azərbaycan Xarici İşlər nazirlərinin üçtərəfli formatda görüşməməsi də, Tramp administrasiyasının müharibə edən tərəflərin mövqelərindəki boşluğu aradan qaldırmağa böyük ümid bağlamadığına dəlalət edir”, - deyə analitik hesab edir.

Rauf Məmmədovun fikrincə, Pompeonun Ceyhun Bayramovla Zöhrab Mnasakanyanı Vaşinqtona dəvət etməsi iki amillə bağlı ola bilər: "Birinci amil ABŞ-ın Minsk Qrupunun həmsədr ölkəsi kimi passivliyini kompensasiya etmək istəyi ola bilər.

İkinci amilə gəlincə, bunun daxili siyasətlə əlaqəli olduğunu düşünmək olar. Yəni, məqsəd ABŞ-da prezident seçkisinə iki həftədən az vaxt qaldığını nəzərə alaraq erməni seçicilərinin dəstəyini almaq ola bilər. İkinci amil yaxın vaxtlara qədər vitse-prezident olan

 Baydenin Qarabağla bağlı dərin məlumatlarının olması ilə də bağlı ola bilər. Onun bəyanatları da bunu deməyə əsas verir”, - deyə analitik qeyd edib.

Maraqlıdır ki, Ermənistan tərəfi "Vaşinqton görüşü”nü az qala Ağ Evin İrəvana birmənalı dəstəyi kimi qələmə verir. Əslində isə Tramp admnistrasiyasının davranışlarından və məsələyə o qədər də həvəslə yanaşmamasından görünür ki, Vaşinqton maksimum şəkildə neytrallığını qorumağa çalışır. Sadəcə Ermənistanın siyasi hakimiyyəti bu cür hərbi müstəvidəki uğursuzluğunu diplomatik sahədəki uydurma uğurlarla ört-basdır etməyə cəhd edir.
 
/Yenisabah.az

OXŞAR XƏBƏRLƏR

Paşinyandan əsirlərin mübadiləsi ilə bağlı AÇIQLAMA

Ermənistanın Baş naziri Nikol Paşinyan Bakı və İrəvanın Dağlıq Qarabağ münaqişəsi zonasında əsir mübadiləsi zamanı "hamının hamıya” prinsipi ilə bağlı razılığa ...

"Bu, ölümcül səhv idi" - Köçəryan müharibədən danışdı

"Hər şey erməni tərəfinin iyul ayında Tavuşda sərhəd münaqişəsinə səbəb olması ilə başladı”. Sfera.az "Sputnik Ermənistan"a istinadən xəbər verir ki, bu s...

Rusiya və Türkiyə - əməkdaşlıqdan Birliyə doğru: Niyə də olmasın?

Sfera.az Rusiya Federasiyasının eks-senatoru, Azərbaycan əsilli tanınmış iş adamı və xeyriyyəçi Fərhad Əhmədovun Rusiya mətbuatında dərc edilmiş məqaləsini ox...

“Ermənistanın canlı qüvvə itkiləri bizdəkindən qat-qat çoxdur”

"Rəsmən açıqlandı ki, 44 günlük Vətən savaşında 2783 hərbi şəhidimiz olub. Bir şəhid olsa belə çoxdur əlbəttə. Lakin bu rəqəm şəxsən mənim gözlədiyimdən xeyli a...

Azərbaycanda zəfər günü təsis edildi – 10 Noyabr

Prezident İlham Əliyev Azərbaycan Respublikasında Zəfər Gününün təsis edilməsi haqqında Sərəncam imzalayıb Sfera.az  xəbər verir ki, sərəncamda deyil...

Türkiyənin Vitse-prezidentindən Azərbaycana gələcək hərbçilərlə bağlı AÇIQLAMA

"Türkiyə hərbçiləri ən qısa zamanda Azərbaycandakı vəzifələrini icra edəcəklər".   Sfera.az xəbər verir ki, bu barədə Türkiyənin Vitse-prezidenti Fuat Ok...