Hollivud aktrisası Ancelina Coli uzun müddətdir davam edən Château Miraval işində Bred Pitt üzərində böyük bir hüquqi qələbə qazanıb.

Sfera.az bildirir ki, ötən gün Los-Anceles Ali Məhkəməsinin hakimi Colinin xeyrinə qərar verib. Məhkəmə Bred Pittin Colini Fransa şərab zavodundakı payının satışı ilə bağlı bir sıra şəxsi elektron poçtları təhvil verməyə məcbur edə bilməyəcəyini bildirib.

Hakim Bredin vəsatətini rədd edərək, onun kommunikasiyaların qorunduğu iddiasını ləğv etmək üçün "vəzifəsini yerinə yetirmədiyini" qərara alıb. Vəsatət qərəzsiz rədd edilib, yəni Pitt məsələni sonradan yenidən qaldıra bilər.

İş üzrə Colinin vəkili Pol Merfi açıqlamasında:

"Bu, xanım Coli üçün əhəmiyyətli bir qələbədir. Qərar göstərir ki, cənab Pitt açıq-aşkar məxfi sənədlərə çıxış əldə etmək istəməsi ilə tamamilə kənara çıxıb”-deyə bildirib.

Bu qərar, Bred Pittin Colinin 2021-ci ildəki satışı ilə bağlı müəyyən kommunikasiyalara, o cümlədən onun biznes komandası ilə yazışmalarına çıxış əldə etmək üçün uzun müddət davam edən səylərində ən son dönüş nöqtəsidir. O, bu yazışmaların vəkil-müştəri imtiyazı ilə qorunmadığını iddia edirdi.

Qeyd edək ki, Pitt və Coli 2008-ci ildə birgə satın aldıqları Fransadakı “Chateau Miraval”ın birgə mülkiyyəti ilə bağlı məhkəməlik olublar. Pitt keçmiş həyat yoldaşını 2021-ci ildə əmlakının yarısını onun razılığı olmadan 67 milyon dollara satdığına görə məhkəməyə verib.

Ancelina öz payını rusiyalı iş adamı Yuri Şeflerə verib və Bred, digərinin təsdiq etmədiyi təqdirdə şərab zavodundakı paylarını satmayacağı barədə razılığa gəldikləri barədə iddia irəli sürüb.

Aynil

Bred Pittə hakim bunu etməyə mane oldu