ABŞ Prezidenti Donald Trampın dövründə kritik vəzifə tutan Daxili Təhlükəsizlik Departamentinin rəsmisi Culiya Varvaro inzibati məzuniyyətə göndərilib.

Sfera.az bildirir ki, qalmaqala səbəb 29 yaşlı bürokratın keçmiş sevgilisinin "maliyyə istismarı" və "gizli tanışlıq saytına üzvlük" iddiaları olub. Onun dəbdəbəli həyat tərzi və milli təhlükəsizlik riski yaratdığı iddia edilən "sugar daddy" ittihamları Vaşinqtonda böyük bir mübahisəyə səbəb olub. Qeyd edək ki, “Sugar Daddy” ("Şəkər atası") termini, adətən partnyorlarından böyük olan və partnyorlarına dəbdəbəli hədiyyələr təklif edən varlı kişilər üçün istifadə olunur.

ABŞ Daxili Təhlükəsizlik Departamentinin (DHS) terrorizmə qarşı mübarizə bölməsinin ən gənc və ən yüksək vəzifəli şəxslərindən biri kimi tanınan Culiya Varvaro da məhz şəxsi həyatı ilə bağlı şok iddialardan sonra vəzifəsindən uzaqlaşdırılıb.

Katib müavini vəzifəsini tutan 29 yaşlı Varvaro ilə yaşlı bir iş adamı arasındakı münasibətlərin təfərrüatları ştatın təhlükəsizlik dairələrində böhran yaradıb. Keçmiş partnyoru Robert B. tərəfindən rəsmi orqanlara verilən şikayət gənc bürokratın peşəkar karyerasına son qoyub.

Robert B.-nin iddialarına görə, Varvaro tanışlıq saytında başqa təxəllüs altında profil yaradıb və özünü maliyyə dəstəyi axtaran biri kimi təqdim edib. İddia edilir ki, cəmi üç ay davam edən bu münasibətlər zamanı Varvaroya İtaliya və İsveçrə kimi yerlərdə dəbdəbəli tətillər, bahalı zərgərlik əşyaları və şam yeməkləri üçün təxminən 40.000 dollar xərclənib. Şikayətdə ən diqqət çəkən məqam təhlükəsizlik narahatlığı olub; keçmiş sevgilisi Varvaronun ciddi maliyyə gözləntilərinin və məxfi məlumatlara çıxışının "milli təhlükəsizlik təhdidi" təşkil etdiyini iddia edib. Bundan əlavə, gənc məmurun hava limanlarında nüfuzundan istifadə edərək güzəştli münasibət axtarması və qadağan olunmuş maddələrdən istifadə etməsi də daxil olmaqla, sənədə ciddi ittihamlar əlavə edilib.

İttihamların mərkəzində olan Culiya Varvaro ona qarşı irəli sürülən bütün ittihamları qəti şəkildə rədd edib.

“Daily Mail”ə açıqlama verən Varvaro baş verənlərin sadəcə münasibətlərinə son qoyulmuş bir kişinin qisas cəhdi olduğunu bildirib. O, münasibətlərin maliyyə əməliyyatına əsaslanmadığını, tamamilə emosional bir proses olduğunu, maddə istifadəsi və qanunsuz qazanc iddialarının əsassız olduğunu iddia edib. Lakin bu ifadələr istintaqın qarşısını almayıb. Daxili Təhlükəsizlik Departamenti Varvaronun inzibati məzuniyyətə göndərildiyini və davam edən araşdırmaların başa çatana qədər aktiv xidmətdən uzaqlaşdırıldığını açıqlayıb. Terrorizmə qarşı mübarizə üzrə doktorluq dərəcəsinə malik və karyera pilləkənlərində sürətlə yüksələn Varvaronun siyasi gələcəyi indi bu araşdırmanın nəticəsindən asılıdır.

Aynil

Sfera.az

“Sugar Daddy” qalmaqalı: Tramp 29 yaşlı məmuru vəzifəsindən kənarlaşdırdı