Yaxın Şərqdəki münaqişə səbəbindən yanacaq qiymətlərinin artması böyük bir aviaşirkətin uçuşlarının 5%-ni azaltmasına səbəb olub. “Air New Zealand” növbəti iki ay ərzində uçuşların sayını azaldacağını açıqlayıb.

Sfera.az bildirir ki, bu barədə aviaşirkətin baş direktoru Nikhil Ravişankar açıqlama verib. Bu, 2026-cı ilin may ayının əvvəlinə qədər davam edəcək.

Azalma təxminən 1100 uçuşa bərabərdir ki, bu da öz növbəsində 1,9 milyon sərnişindən 44.000-nə təsir edəcək.

“Air New Zealand” təsirlənən sərnişinlərin əksəriyyətinin digər uçuşlara təyin ediləcəyini bildirib. Aviaşirkət təsirlənən uçuşların siyahısını təqdim etməsə də, bəzi Yeni Zelandiya rəsmiləri daxili marşrutların dəyişdirildiyini bildirdilər.

Ravişankar: "İnsanlar hələ də Avropaya getmək istəyirlər və ABŞ hava məkanı vasitəsilə onları Avropaya çatdıra bilərik və diqqətimiz buna yönəlib”-deyə əlavə edib.

Qeyd edək ki, qısa müddət əvvəl “Air New Zealand” yanacaq qiymətlərinin artmasına cavab olaraq qiymətləri qaldıracağını açıqlamışdı.

Daxili uçuşlar birtərəfli 10 dollar, qısa məsafəli uçuşlar 20 dollar və uzun məsafəli uçuşlar 90 dollar artıb.

ABŞ və İran arasındakı münaqişə səbəbindən reaktiv yanacağın qiyməti xeyli artıb. Əvvəllər qiymətlər barel üçün 90 dollar civarında idisə, sonradan barel üçün 200 dollara yüksəlib.

Lakin “Ryanair”, “easyJet”, “British Airways” və “Virgin Atlant” kimi bəzi aviaşirkətlər daha az təsirlənib, çünki onlar müəyyən müddət ərzində yanacaqlarının bir hissəsini sabit qiymətlərlə təmin ediblər.

Aynil

Mindən çox uçuş ləğv edildi