Norveçli bir kişi böyük bir “Avrocekpot” qazanması barədə mesaj aldıqdan sonra bir neçə saat milyonçu olduğuna inanıb. Lakin sevinci tez bir zamanda məyusluğa çevrilib. Sonradan məlum olub ki, bildiriş texniki səhvin nəticəsidir.

Sfera.az bildirir ki, tragikomik hadisə Klefta sakinin başıma gəlib. Ole Fredrik Sveen müntəzəm olaraq lotereya biletləri alır, hər kəsin qazanmaq şansı olduğuna inanırdı. İllər ərzində o, yalnız az miqdarda qazanmağı bacarıb, bilet pulunu çətinliklə ödəsə də, bu, onu qazanmaq və gələcək arzusuna inandırmaq üçün kifayət idi.

İyun ayında kişi sevgilisi ilə Yunanıstanda tətildə olub. Bir axşam cütlük bir qədəh şərab içərək gün batımını seyr edib və bağ evi almaq fikrini müzakirə edib. Kişi zarafatla bunun üçün əvvəlcə lotereyada udmağın lazım olduğunu deyib.

Bir neçə dəqiqə sonra telefonuna mesaj gəlib. Bu, böyük məbləğdə “Eurojackpot” uduşunu bildirən bir mesaj olub. Tətbiqdə 1,3 milyon Norveç kronu (təxminən 200 min azn) məbləğini görən kişi inanmadan bildirişi bir neçə dəfə təkrar oxuyub. Ekranı sevgilisinə göstərəndə, sevgilisi də heyrətlənib. O, artıq işdən çıxmağı, səyahət etməyi və daşınmaz əmlak almağı düşünürdü.

Ole dərhal anasına zəng edərək xoş xəbəri paylaşıb. Qadın eşitdiklərinə dərhal inanmasa da, oğlunu təbrik edib.

Sevinc qısa çəkib. 15 dəqiqədən sonra kişi qalib rəqəmləri iki dəfə yoxlamaq qərarına gəlib və yalnız iki əsas rəqəmin və bir bonusun uyğun gəldiyini görüb. Bu, göstərilən məbləğə uyğun gəlməyib. Demək olar ki, eyni vaxtda mediada uduşların avrodan Norveç kronuna çevrilməsi zamanı səhv edildiyi barədə məlumatlar yayılmağa başlayıb. Məbləğlər bölmək əvəzinə səhvən 100-ə vurulubmuş.

Nəticədə kişinin faktiki uduşları təxminən 135 Norveç kronu (22 azn) təşkil edib. Əvvəllər "böyük mükafat" barədə mesaj alan minlərlə digər iştirakçı da eyni məbləği qazanıb. Qalmaqalın ortasında şirkətin baş direktoru 3 milyon kron (506 min azn) kompensasiyasını qəbul edərək istefa verib ki, bu da bir çoxlarının acı istehza ilə qəbul etdiyi bir addım olub.

Məyusluq dərin idi. Kişi yenidən anasına zəng edib əslində udmadığını izah etməli olub. Sevgilisi göz yaşlarına boğulub. Tətilinin qalan hissəsini depressiv əhval-ruhiyyədə keçiriblər. Olenin sözlərinə görə, "nə ola bilərdi" xəyalları bir neçə gün davam edib.

Lotereya şirkətindən səhvin rəsmi təsdiqi yalnız bir neçə gün sonra gəlib. Ole vəziyyəti bu qədər tez anladığına sevindiyini etiraf edib, çünki bütün həftə sonu udduğuna inansaydı, əslində olmayan pulunu xərcləyə bilərdi.

Uduş bildirişlərində səhv edən Norveç lotereya şirkəti isə “Norsk Tipping”dir.

Hadisəyə baxmayaraq, o, səs-küy salmayıb. Ole deyir ki, Norveçdə insanlar nadir hallarda belə vəziyyətlər barədə səs-küy salırlar. Ole Norveçdə bu məbləğin bir stəkan şampan üçün belə çatmadığını və artıq lotereya oynamadığını deyir.

Aynil

15 dəqiqəlik milyoner: Adi bir mesaj həyatını dəyişdirdi