Avropada yaşlı insanlar arasında ünsiyyətin yaxşılaşdırılması, onların cəmiyyətdən təcrid olmasının qarşısının alınması üçün xüsusi məkanların sayı artır.

Sfera.az xəbər verir ki, Avropa ölkələrinin təcrübəsinə görə, 65 yaşdan sonra “həyat sevgisi” tapmaq həm psixoloji, həm də sosial baxımdan tam mümkündür.

Əhalinin yaşlandığı bir çox xarici ölkədə yaşlı nəslin münasibətlərə yanaşması dəyişib. İnsanlar artıq uzunömürlülüyün artması fonunda 60–70 yaşlardan sonra yeni münasibətlər qurmağa daha açıqdırlar.

İnsan yaşlandıqca emosional sabitlik, həyat təcrübəsi və özünü tanıma səviyyəsi artır. Bu isə sağlam və qarşılıqlı hörmətə əsaslanan münasibətlərə şərait yaradır. 65 yaşdan sonra qurulan münasibətlərin əksəriyyətində prioritet emosional yaxınlıq, ortaq dəyərlər və qarşılıqlı dəstək olur. Gənclikdə olduğu kimi maddi və ya sosial faktorlar o qədər ön plana çıxmır.

Dünya üzrə tək yaşayan yaşlı insanların sayının artması bu tendensiyanı daha da gücləndirib. Ənənəvi ailə modeli dəyişdiyi üçün insanlar ikinci gəncliklərini yaşamaq, yeni insanlarla tanış olmaq və sevgi münasibətlərinə başlamaqdan çəkinmirlər.

Avropada hökumətlər, bələdiyyələr bunu nəzərə alaraq yaşlıq insanların tanışlığı üçün xüsusi məkanlar da təşkil edirlər. Bəzi ölkələrdə 60+ yaş qrupları üçün xüsusi tanışlıq klubları və onlayn platformalar belə formalaşıb. Bu məkanlar klassik musiqi, caz, retro-diskoteka və sosial ünsiyyətə yönəlir, gənclərin klabbinq mədəniyyətindən fərqli olaraq daha rahat və dostluq mühitinə üstünlük verir.

Berlin, Paris və London kimi şəhərlərdə yaşlı nəsil üçün caz barları və retro-diskotekalar populyardır. Burada 70–80-ci illərin musiqisi səslənir.

Bir çox məşhur klublar (məsələn, Berlinin Berghain və ya Londondakı Fabric) müəyyən günlərdə “oldies night” və ya “retro party” keçirir.

Skandinaviya və Benilüks ölkələrində yaşlılar üçün sosial rəqs klubları fəaliyyət göstərir. Burada əsas məqsəd tanışlıq, ünsiyyət və sağlam həyat tərzini təşviq etməkdir.

İspaniya və İtaliyada turistik bölgələrdə 60+ yaşlı turistlər üçün xüsusi gecə proqramları hazırlanır – salsa, tango və canlı musiqi gecələri təşkil olunur.
Avropada yaşlı insanlar üçün gecə klubları daha çox retro musiqi, sosial ünsiyyət və rahat atmosfer üzərində qurulur. Bu məkanlar gənclərin klabbinq mədəniyyətindən fərqli olaraq, yaşlı nəsil üçün ikinci gənclik və sosial həyat imkanı yaradır.

Niyaz Hacıyev
Sfera.az

Avropada yaşlılar üçün klubların sayı artır