Dünyanın ən layiqli və ən varlı subaylarından biri, məşhur futbolçu Kriştian Ronaldo Corcina Rodriqez ilə dəbdəbəli toyunu 2026-cı ilin yayı üçün planlaşdırır.

Sfera.az bildirir ki, Ronaldo və sevgilisi 2026-cı ilin yayında Madeyrada evlənəcəklər. Cütlük toy məkanını futbolçunun doğulduğu yerdən dörd kilometrdən az məsafədə seçib.

Toyun Madeyra adasındakı Funchal Katedralında 2026-cı il Dünya Kubokundan sonra baş tutacağı təsdiqlənib.

Bu yer xüsusi əhəmiyyət kəsb edəcək, çünki Ronaldonun 5 fevral 1985-ci ildə anadan olduğu şəhər xəstəxanasının yanında və uşaqlıqda oynadığı komandalardan biri olan Nacional da Madeyranın məşq meydançasından çox da uzaqda deyil.

Avqust ayında ulduz cütlük doqquz ildən çox birlikdə olduqdan sonra nişanlandıqlarını elan edib. Qeyd edək ki, cütlük 2016-cı ildən bəri birlikdədir və yeddi yaşlı Alana və iki yaşlı Bella adlı qız övladları var. Corcina həmçinin futbolçunun üç uşağına analıq edir.

40 yaşlı Ronaldo bu yaxınlarda 1,5 milyon funt sterlinq dəyərində üzük də daxil olmaqla, çox romantik olmayan, sadə və qəfil evlilik təklifi barədə paylaşım edib.

"Dostlarımdan biri mənə Gioya (Corcina) vermək üçün üzük verdi və mən onu ona uzatdığım zaman iki uşağım içəri girib: "Ata, üzüyü anama verib evlilik təklifi edəcəksən"dedi. Düşündüm ki, "Vay, bu, hə demək üçün mükəmməl andır". Bu, həqiqətən mükəmməl an idi. Bilirdim ki, bir gün bunu edəcəyəm, amma planlaşdırmamışdım. Qızlarım belə dediyi və dostlarım çəkiliş apardığı üçün evlilik təklifi etdim". Bircə diz çökmədim, amma bu, gözəl bir an idi"- deyə Ronaldo bildirib.

O, çox romantik oğlan olmadığını, daha doğrusu, "öz tərzində" romantik olduğunu etiraf edib, amma həmişə Corcina Rodriqezin "həyatının qadını" olduğunu bildirib.

Ronaldonun beş övladı var. Onlardan ikisi, Alana Martin və Bella Esmeralda, Corcinanın ailəsində dünyaya gəlib. Böyük övladı Kristiano Jr. 2010-cu ildə, daha iki övladı isə Eva və Mateo isə 2017-ci ildə surroqat analıq yolu ilə dünyaya gəlib. 2022-ci ildə yeni doğulmuş oğulları Angel vəfat edib.

Portuqaliya əfsanəsi ilə Argentina-İspaniyalı modelin 2016-cı ildə, futbolçu “Real Madrid”də oynayarkən tanış olub.

Toyun Madeyradakı bahalı bir oteldə keçirildiyi məlumdur, lakin Ronaldo artıq Corcina Rodriqezin səs-küylü məclisləri sevmədiyini, ona görə də onun qərarına hörmətlə yanaşacağını və toyun çox özəl olacağını bildirib.

Ronaldo bu adada toy edəcək