“Disney” filmlərinə baxarkən əksər personajların analarının heç vaxt görünmədiyini görmüsünüzmü? Bambi, Snow White, Ariel və ya Bella... Onların bütün hekayələrində ana fiquru ya tamamilə yoxdur, ya da başlanğıcda yox olur. İllərdir pərəstişkarları bunun təsadüf olduğunu düşünsələr də, bunun arxasında həm emosional, həm də yaradıcı səbəblər var.

Sfera.az mövzu ilə bağlı maraqlı yazı təqdim edir.

İlk böyük uğurundan sonra Uolt Disney valideynlərinə yeni bir ev hədiyyə etdi. Lakin bu xoşbəxtlik uzun sürmədi.

Evin soba sistemində qaz sızması həm anasını, həm də atasını zəhərləyib. Uoltun anası Flora Disney bu hadisədə həyatını itirib. Üstəlik, bu qəza oğlunun böyük uğurunun başlanğıcı ilə üst-üstə düşüb.

Disney həyatı boyu bu hadisəyə görə özünü heç vaxt bağışlamadı. Onu təmir etmək üçün studiyadan göndərdiyi texniki işçilər sızıntını aşkar edə bilməyiblər. Anasının ölümündən sonra Disney geri çəkildi və sonrakı layihələrində ana fiqurunun demək olar ki, tam olmaması bu travma ilə əlaqələndirilir.

Uolt Disneyin şəxsi hekayəsi, eləcə də hekayə tərzi bu seçimə təsir etdi.

"Maleficent"in prodüserlərindən olan Don Hahn bu vəziyyəti böyümə üçün bir metafora olaraq izah edir. O hesab edir ki, filmlər adətən 80-90 dəqiqə çəkdiyi üçün personajlar sürətlə yetişməlidir. Ana fiqurunun olmaması bu keçidi sürətləndirən simvolik elementdir.

Məsələn, Bambinin anası öləndə balaca maral birdən-birə yetkinlik məsuliyyətləri ilə üzləşməyə məcbur olur. “Gözəl və Vəhşi” filmində Bella atası yoxa çıxandan sonra müstəqil qərarlar qəbul etməyi öyrənir.

Kral Aslanda Simbanın anası sağ olsa da, atasının itkisi onu oxşar şəkildə böyüməyə məcbur edir. Başqa sözlə, ana fiqurunun olmaması Disney qəhrəmanlarının inkişafını sürətləndirən hekayə qısa yoluna çevrilir.

Son illərdə Disneyin hekayə üslubunda nəzərəçarpacaq dəyişiklik baş verib.

Güclü ana personajları indi hekayələrin mərkəzindədir. ”Cəsur Ürək”də Meridanın anası qızının müstəqillik uğrunda mübarizəsində əsas rol oynayır. “Moana” və “Inside Out” filmlərində ana fiqurları uşaqlarının səyahətlərində bələdçi və balans rolunu oynayır.

Deyəsən, Disney indi anasız qəhrəmanlardan anaları ilə böyüyən qəhrəmanlara keçir. Bununla belə, keçmişdən bu günə qədər uzanan bu emosional yoxluq Disney filmlərinə dərinlik qatan ən güclü elementlərdən biridir.

Aysel

Niyə “Disney” personajlarının anaları yoxdur?