Uğurun Azərbaycan modeli – İlham Əliyevin müəyyənləşdirdiyi siyasi və iqtisadi strategiya

Uğurun Azərbaycan modeli – İlham Əliyevin müəyyənləşdirdiyi siyasi və iqtisadi strategiya
Azərbaycanın son iki onillikdə əldə etdiyi uğurlarda Prezident İlham Əliyevin müəyyənləşdirdiyi siyasi və iqtisadi xəttin müstəsna rolu var. Artıq 18-ci ildir ki, ölkəmizə rəhbərlik edən İlham Əliyevin prezidentlik dövründə illərlə yığılıb qalan çoxsaylı problemlər həllini tapdı, ölkənin iqtisadi və siyasi imkanları gücləndi, əhalinin sosial problemlərinin həllində ciddi dönüş yaradıldı, ordu gücləndirildi və uzun illərdir ki, işğal altında olan torpaqlar azad edildi.
 
Bu baxımdan 2003-2020-ci illər Azərbaycanın güclü dövlət konsepsiyasının reallaşdırılması, siyasi və iqtisadi sabitliyin gücləndirilməsi, torpaqlarımızın işğaldan azad edilməsi dövrü kimi xarakterizə oluna bilər.
 
2003-cü ildən ölkəmizdə ilk mühüm uğur sabitliyin və təhlükəsizlik mühitinin gücləndirilməsi oldu. Həmin dövrə qədər də ölkəmizdə sabitlik və təhlükəsizlik təmin olunmuşdu. Amma bu tarixdən təhlükəsizliyin daha da gücləndirilməsi 1994-cü ildə imzalanan "Əsrin Müqaviləsi” layihənin reallaşdırılması üçün əlverişli imkanlar yaratdı.
 
"Əsrin Müqaviləsi” ilə bərabər digər enerji layihələrinə başlanıldı və bunun nəticəsində güclü və dayanıqlı maliyyə-iqtisadi sistem formalaşdırıldı, Azərbaycanın adı dünyanın aparıcı maliyyə-iqtisadi institutlarının reytinqlərində ön sıralara çıxmağa başlandı.
 
İqtisadi imkanların artmasında 2003-cü ildən həyata keçirilən regionların sosial-iqtisadi inkişafına dair dövlət proqramlarının rolu böyükdür. İlham Əliyevin təşəbbüsü ilə hazırlanan proqramlarda nəzərdə tutulan tədbirlərin həyata keçirilməsi əhalinin sosial rifahının yaxşılaşmasına böyük töhfə oldu. 2003-cü ildə 18 manat olan pensiyanın orta məbləği 2020-ci ilin sonunda 330 manata, minimum əməkhaqqı 9 manatdan 250 manata, orta əməkhaqqı 77 manatdan 705 manata, sosial müavinətlərin orta məbləği 10 manatdan 118 manata yüksəldi.
 
Güclü iqtisadiyyat, möhkəm siyasi iradə müasir və güclü ordu quruculuğuna da şərait yaratdı. Azərbaycan dövlətinin qətiyyəti sahəsində qurulan güclü ordu və İlham Əliyevin güclü iradəsi 2020-ci ildə 44 günlük müharibə nəticəsində torpaqlarımızın işğaldan azad edilməsi ilə nəticələndi.
 
Torpaqlarımızın işğaldan azad edilməsi çoxsaylı və sistem xarakterli tədbirlərin sayəsində mümkün oldu. Yəni, sadəcə güclü ordu yaratmaqla işğala son qoymaq mümkün deyildi. Ordu quruculuğu ilə bərabər vətənpərvərlik hisslərinin gücləndirilməsi, gənc nəslin milli vətənpərvərlik ruhunda yetişməsi, müstəqil daxili və xarici siyasət işğala son qoyulmasına töhfəsini verdi.
 
Azərbaycan dünya miqyasında nadir ölkələrdəndir ki, tam müstəqil şəkildə öz daxili, xarici siyasətini aparır, öz dostlarını özü seçir, heç kimin qabağında baş əymir, heç kimə hesabat vermir. Ermənistanın işğalçı siyasətinə son qoyulması üçün Azərbaycan xalqının haqq işində mənəvi-psoxoloji hazırlığın təmin edilməsi, Azərbaycan həqiqətlərinin, Azərbaycan xalqının haqlı tərəf olmasını əsaslandıran tarixi, hüquqi, geosiyasi reallıqların dünya ictimaiyyətinə çatdırılması, Ermənistanın işğalçı siyasətinin dünyada ifşa olunması və Azərbaycanın təcrid siyasətinin Ermənistanı bütün regional layihələrdən kənarda saxlaması, bunun nəticəsində iqtisadiyyatını çökdürməsi düşmənin zəiflədilməsinə ölkəmizin daha güclü tərəfə çevrilərək müharibədə zəfər əldə etməsinə kömək etdi.
 
İlham Əliyevin rəhbərlik etdiyi dövlətin apardığı hərtərəfli siyasətin hesabına indi Ermənistan qeyri-müəyyən, qeyri-sabit və gələcəyi olmayan dövlətə çevrilib. Bu fakt 2003-2020-ci illərdə İlham Əliyev tərəfindən aparılan siyasətə qiymət verilməsində ən mühüm indikator hesab edilə bilər.
 
Vasif
Sfera.az
 
 

OXŞAR XƏBƏRLƏR

Qətlə yetirilən qardaşların cənazəsi dəfn üçün Ağcabədiyə gətirildi

Rusiyanın Yekaterinburq şəhərində qətlə yetirilən qardaşlar Ziyəddin və Hüseyn Səfərovların cənazəsi dəfn üçün səhər saatlarında Ağcabədiyə gətirilib.  ...

Azərbaycanda karantin rejiminin uzadılması qərarı qüvvəyə minib - BU GÜNDƏN

Bu gündən Azərbaycan ərazisində xüsusi karantin rejiminin müddətinin uzadılması ilə bağlı yeni qərar qüvvəyə minib.   Sfera.az xəbər verir ki, Baş na...

İlon Mask ölkədə yeni siyasi partiya yaratmağa çağırıb

Amerikalı milyarder İlon Mask ABŞ prezidenti Donald Trampın hökumət xərclərinin azaldılması ilə bağlı qanun layihəsini tənqid etdiyini təkrarlayaraq ölkədə yeni...

"Onları vəhşicəsinə döyərək evdən çıxarıblar...” - VİDEO

“Onlara o qədər işgəncə verilib ki, bu, insanlığa sığmayan bir hərəkətdir”.   Sfera.az xəbər verir ki, bunu Yekaterinburqda hüquq-mühafiz...

Bu tarixdə görüşəcəklər

İsrailin Baş naziri Benyamin Netanyahu yaxın günlərdə Vaşinqtona səfər edəcək və iyulun 7-də Ağ Evdə ABŞ Prezidenti Donald Trampla danışıqlar aparacaq.  ...

"Torba-torba pul paylayırdım" - Əməkdar artist görün nələr danışdı

"Azərbaycana şounu mən gətirmişəm. İlk şou-proqramı mən yaratmışam və ilk şoumeni mənəm".   Sfera.az xəbər verir ki, bu sözləri Əməkdar art...