Türkiyədəki helikopter qəzasının ilkin səbəbləri açıqlandı
08:44 / 05.03.2021
1606
Türkiyənin şərqində hərbi helikopterin qəzaya uğraması hava şəraitinin qəfil pisləşməsi ilə bağlıdır.
Sfera.az xəbər verir ki, bunu ölkənin milli müdafiə naziri Hulusi Akar bildirib.
"İlkin məlumatlara və şahid ifadələrinə görə, helikopterin qəzaya uğraması qəfildən pisləşən hava ilə əlaqədardır”, - nazir Akar belə deyib.
Nazir faktla bağlı istintaq araşdırmalarına başlanılacağını deyib: "Hadisənin dəqiq səbəbi ətraflı araşdırmadan sonra müəyyənləşdiriləcək”.
H.Akar faciənin ilk dəqiqələrindən etibarən aidiyyəti dövlət qurumlarının axtarış və xilasetmə işləri, ölənlərin və yaralananların cəsədlərinin təxliyəsi üçün bütün qüvvələri səfərbər etdiyini bildirib.
Qeyd edək ki, Türkiyənin milli müdafiə naziri Hulusi Akar hərbi helikopterin qəzaya uğradığı bölgəyə gedərək, hadisənin təfərrüatları ilə yerində tanış olub. Baş qərargah rəisi general Yaşar Gülər və Quru Qoşunları komandanı Ümit Dündar da naziri müşayiət edib.
