19:T751,

Avropa İttifaqı (Aİ) diplomatları və rəsmiləri Avropa Komissiyasının Prezidenti Ursula fon der Leyeni rəsmi səlahiyyətlərindən sui-istifadə etməkdə və özünü Aİ-nin baş beynəlxalq nümayəndəsi kimi təqdim etməyə çalışmaqda, xüsusən də İran ətrafındakı vəziyyətdə tənqid ediblər.

Sfera.az xəbər verir ki, bu barədə “Politico” nəşri məlumat yayıb.

Qəzetin məlumatına görə, Aİ ölkələrindən olan bir neçə diplomat fon der Leyenin hərəkətlərindən narazılıq ifadə edib. Böhranın ilk günlərində o, Tehranda rejim dəyişikliyini dəstəklədiyini bildirib və Fars körfəzi dövlətlərinin liderləri ilə ondan çox danışıqlar aparıb. Tənqidçilər qeyd edirlər ki, bu hərəkətlər Aİ ölkələri arasında konsensusdan kənara çıxıb.

Əsas şikayətlərdən biri fon der Leyenin ümumi xarici siyasəti əlaqələndirməkdən məsul olan Aİ-nin Xarici İşlər Xidmətinin rəhbəri Kaja Kallasın funksiyalarını öz üzərinə götürməyə çalışması olub. Qəzet bir avropalı diplomatdan sitat gətirir:

"O, səlahiyyətlərinə aid olmayan şeylər deyir".

Avropa Komissiyası isə ittihamları rədd edərək fon der Leyenin hərəkətlərinin onun xarici siyasət rolu ilə uyğun olduğunu və dünya liderlərinə müraciət etməyin onun vəzifələrinin bir hissəsi olduğunu bildirib. Lakin qəzet vurğulayır ki, İrana dəstək və təşkilatın genişlənməsi kimi məsələlərdə Aİ ölkələri arasında vahid mövqenin olmaması narahatlıq yaradır.

Niyaz Hacıyev
Sfera.az

Aİ-də "səlahiyyət davası": Fon der Leyen hədəfdədir