Türkiyədə hiperinflyasiya ola bilər – Bədbin PROQNOZ
İqtisadiyyat
11:59 / 25.11.2021
803
Türk lirəsinə təzyiqlər davam edir. Çərşənbə axşamı kəskin dəyər itirən türk lirəsi son 2 gündə bir qədər bahalaşsa da, lirənin dəyərdən düşməsi ehtimalı hələ də güclüdür.
Sfera.az bildirir ki, yeni ticarət gününə 11,9 səviyyəsində başlayan dollar/TL məzənnəsi 1 faizdən çox artaraq 12,1 səviyyəsini keçib.
Dollar/TL-nin 1 aylıq nəzərdə tutulan volatilliyi 179 baza bəndi artaraq təxminən 53 faiz olub.
Türkiyədəki vəziyyəti izləyən xarici maliyyə qurumları bədbin proqnozlar verməyə başlayıblar. "Societe Generale”nin Bazarlar Strategiyası üzrə meneceri Fhoeniks Kalen bildirib ki, türk lirəsinə inamın azalması müşahidə edilir. Onun fikrincə, bu vəziyyətdə insanlar aktivlərini banklardan çəkə bilər, maliyyə bazarlarında sabitlik pisləşə və türk lirəsinin dəyər itirməsi hiperinflyasiyaya səbəb ola bilər.
"Unicredit” iqtisadçısı Gökçe Çelik isə türk lirəsində likvidlik məhdudiyyətlərinin tətbiqini gözlədiklərini və ilk növbədə valyuta məzənnəsinin ucuzlaşmasının qarşısını almaq üçün ehtiyatlardan istifadə edilə biləcəyini, lakin bu tədbirlərin uzunmüddətli perspektivdə nəticə verməyəcəyini və nəticədə faiz artımının olacağını vurğulayıb.
Vasif
Sfera.az
