Dünya nəhəngi "Skoda" avtomobil həvəskarlarını şoka salan bəyanat yayıb.

Şirkətin onlayn mağazasındakı təhlükəsizlik boşluğu səbəbindən minlərlə müştərinin şəxsi məlumatları hakerlər tərəfindən ələ keçirilib.

Sfera.az xəbər verir ki, şirkətin açıqlamasına görə, hakerlər bir sıra məlumatları əldə ediblər. Belə ki, müştərilərin ad və soyadları, ev və iş ünvanları, telefon nömrələri, sifariş detalları və istifadəçi hesab məlumatları (şifrə xülasələri) ələ keçirilib. Lakin ödənişlər birbaşa kənar xidmət provayderləri vasitəsilə həyata keçirildiyi üçün müştərilərin kredit kartı məlumatlarının təhlükəyə düşmədiyi bildirilib. Hadisədən dərhal sonra onlayn mağaza müvəqqəti olaraq bağlanıb və təhlükəsizlik boşluğu aradan qaldırılıb.

Hazırda məhkəmə-ekspertiza mütəxəssisləri araşdırma aparır. Lakin server protokollarındakı problemlər səbəbindən sızıntının tam miqyasını müəyyənləşdirməyin qeyri-mümkün olduğu vurğulanıb.

"Volkswagen Qrupu"nun tərkibində fəaliyyət göstərən şirkət məlumatların sui-istifadəsinə dair hələlik bir sübut olmadığını desə də, "fişinq" (fishing) hücumlarına qarşı xəbərdarlıq edib:

1. Bütün "Skoda" onlayn hesab şifrələrini yeniləmək tövsiyə olunur.

2.Naməlum e-poçtlardakı keçidlərə klikləməyin.

3. Şəxsi məlumatlarınızı tələb edən zəng və ya mesajlara qarşı ayıq-sayıq olun. 100-dən çox ölkədə fəaliyyət göstərən istehsalçı kibertəhlükəsizlik mexanizmlərini tamamilə nəzərdən keçirdiyini və bu istiqamətdə işlərin davam etdiyini bildirib.

Bəsti Rəfizadə

Sfera.az

Bu insanların şəxsi məlumatları oğurlandı - XƏBƏRDARLIQ