Ötən il ən çox qəbul BDU-ya olub

“Ali təhsil müəssisələrinə qəbul planları məlum olub”.

Sfera.az xəbər verir ki, bunu Dövlət İmtahan Mərkəzinin sədri Məleykə Abbaszadə, Dövlət İmtahan Mərkəzində ötən il – 2024-cü ildə keçirilən ali təhsil müəssisələrinin bakalavriat səviyyəsinə tələbə qəbulu imtahanlarının nəticələrinin elmi-statistik təhlili ilə bağlı təşkil olunmuş müzakirələrdə deyib.

Onun sözlərinə görə, 2024-cü il üçün Azərbaycanın ali məktəblərinə ilkin qəbul yerləri müəyyən edilib. Ən çox plan yeri Bakı Dövlət Universitetinin (BDU) payına düşür. Belə ki, BDU üzrə ümumilikdə 6116 yer ayrılıb.

İqtisadiyyat sahəsi üzrə ixtisaslaşan Azərbaycan Dövlət İqtisad Universitetində (UNEC) isə ümumi qəbul planı 5270 yer təşkil edir. Üçüncü sırada isə Azərbaycan Dövlət Neft və Sənaye Universiteti qərarlaşıb – bu universitet üçün 3825 yer nəzərdə tutulub.

Digər ali məktəblər üzrə qəbul yerlərinin sayı aşağıdakı kimidir: Azərbaycan Dövlət Pedaqoji Universiteti – 3030 yer, Azərbaycan Texniki Universiteti – 2705 yer, Azərbaycan Memarlıq və İnşaat Universiteti – 3544 yer, ADNSU nəzdində fəaliyyət göstərən Mühəndislik Universiteti – 1835 yer, Lənkəran Dövlət Universiteti – 1070 yer, Gəncə Dövlət Universiteti – 1260 yer və Azərbaycan Dövlət Aqrar Universiteti – 1775 yer.

Fidan Hacızadə
Sfera.az