Bu fənn üzrə apellyasiya müraciətlərinə start verildi - FOTO

Müəllimlərin işə qəbulu üzrə müsabiqənin ingilis dili fənni üzrə test imtahanının apellyasiya müraciətlərinə qəbul başladı.

Bu barədə Sfera.az-a Azərbaycan Respublikasının Təhsil İnstitutunun nəzdində İnsan Resursları Mərkəzindən məlumat verilib.

Mərkəzdən bildirilib ki, bu mərhələdə imtahanda iştirak etmiş namizədlər şəxsi səhifələrində aktivləşdirilən müvafiq xanaya daxil olaraq 48 saat (2 gün) ərzində apellyasiya müraciəti edə bilərlər. Namizədlər müvafiq xanaya müraciətlərinin məzmununu ətraflı şəkildə qeyd etməlidirlər.

Qeyd edək ki, apellyasiya müraciətləri komissiya tərəfindən araşdırıldıqdan sonra müvafiq cavab namizədlərin şəxsi səhifələrinə göndəriləcək.

Firuzə Əliyeva