Doktorantura təhsildə yüksək pillə sayılır. Azərbaycanda bu təhsil fəlsəfə və elmlər doktorluğu olmaqla proqramlara ayrılır.

Bəs doktoranturanın üstünlükləri nədir?

Mövzu ilə bağlı Sfera.az-a danışan təhsil eksperti Elşən Qafarov bildirib ki, doktorantura təhsili elmə və oxumağa çox ciddi həvəsi olan şəxslərin işidir.

“Azərbaycanda fəlsəfə doktorluğunda 3 adda proses aparılır. Əyani, qiyabi doktorantura və dissertantura. Dissertantura oxuyan biri kənarda da rahatlıqla full-time işləyə bilər. Amma əyani doktarantura oxuyanların full time işləməsinə icazə verilmir”.

Ekspert qeyd edib ki, doktorontura təhsili almaq hər hansı bir sahədə tam ixtisaslaşmağa və çox yaxşı analtik təfəkkürə və tədqiqat qabiliyyətinə sahib olmağa imkan verir.

“Doktorantura təhsili olan şəxslər gələcəkdə çox yaxşı maddi qazanc əldə edə bilirlər. Onların akademik azadlığı, müstəqilliyi olur. Doktorantura təhsili almağa qərar verən şəxslər intensiv öyrənmə ilə məşğul olmalıdırlar. Təhsilin bu pilləsinin həm xərci, həm də dərs yükü daha çoxdur. Bu istiqaməti seçən şəxslər araşdırma qabiliyyətini və dil biliklərini gücləndirməlidirlər”.

Ülkər Abdurahmanlı