"Məktəblərə mobil telefonun girişi qadağan edilməlidir" - Ekspertdən ÇAĞIRIŞ

“Şagirdlərin məktəbə sensorlu mobil telefon aparması qadağan edilməlidir”.

Sfera.az bildirir ki, bunu filologiya üzrə fəlsəfə doktoru, müstəqil ekspert Elyar İslamoğlu deyib. O, fikirlərini bu cür əsaslandırıb:

“Sosial şəbəkələrə və porno saytlara giriş çox rahatdır. Şagirdlər məktəbdə də istədikləri zaman həmin saytlara və sosial şəbəkələrə daxil ola bilir, zorakılıq videolarını kütləvi şəkildə izləyirlər. Bu da onların tərbiyəsinə və davranışına birbaşa təsir edir. Həm də bəzi şagirdlər sosial şəbəkələrdə paylaşıb reytinq yığmaq üçün istər dərs zamanı, istərsə də tənəffüslərdə xoşagəlməz çəkilişlər edirlər”.

Ekspert bildirib ki, dərsdən sonra sensorlu mobil telefonun şagirdə verilib-verilməməsinə valideynlər özləri qərar verə bilər:

“Amma məktəblərə sensorlu mobil telefonun girişi birdəfəlik qadağan edilməlidir. Övladı üçün narahat olan valideynlər onlara sadə, yalnız zəng funksiyası olan telefon verə bilər”.

Türkan