"Bu sistemlə həm vaxta qənaət edilər, həm də valideynlərin xərci azalar" - Ekspertdən TƏKLİF

Ölkəmizdə demək olar ki, artıq hər bir uşaq repetitor yanına gedir. Övladlarının təhsili üçün hazırlıq müəllimlərinə ayda 1000 manat verən valideynlər var. Eyni zamanda, məktəbdən sonra hazırlığa gedən şagirdlər daha çox enerji sərf edirlər. Belə ki, onlar həm məktəb müəllimlərinin verdikləri dərsləri oxumalı, həm də repetitorun tapşırıqlarını hazırlamalı olurlar.


Bəs belə bir sistem yaradıla bilərmi ki, həm valideynlər hazırlıqlara verdikləri pullarla dövlət məktəblərini maliyyələşdirsinlər, həm də uşaqlara elə məktəbdə daha keyfiyyətli dərs keçsinlər?


Məsələ ilə bağlı Sfera.az-a açıqlama verən təhsil eksperti Adil Vəliyev bildirib ki, ölkəmizdə bəzi valideynlər maaşının iki qatı qədər repetitora ödəniş edir:


“Bu da onu göstərir ki, ölkəmizdə valideynlər övladının təhsili üçün kifayət qədər çox pul xərcləyirlər və buna uşaqlarının gələcəyinə investisiya kimi baxırlar. Bu çox müsbət bir haldır”.


Ekspert qeyd edib ki, məktəblərdə istədiyimiz səviyyədə dərs keçilmir:


“Bunlara səbəb vaxtın azlığı, siniflərdə şagird sayının çoxluğudur. Əslində, biz bu sistemi yavaş-yavaş təkmilləşdirməyə başlasaq, çox yaxşı nəticə əldə edə bilərik. Hazırda dövlət məktəbindəki quruluşu özəl təhsil müəssisələrindəki sistemlə əvəzləyə bilərik. Belə ki, dərsdən sonra ev tapşırıqlarını hazırlamaq üçün müəllim şagirdlərə vaxt ayırır və bunun müqabilində müəyyən qədər məvacib alır. Çünki aşağı sinif şagirdlərinin əksəriyyəti, yuxarı siniflərin isə 30-40 faizi öz məktəb müəllimlərinin yanına hazırlığa gedirlər”. 


A.Vəliyevin sözlərinə görə, yeni sistem tətbiq olunsa, böyük töhfələr verə bilər:


“Məktəbdə bu sistem üçün şərait yaradılsa, həm vaxta qənaət edərik, həm də valideynlərin xərcini azaltmış olarıq. Eyni zamanda, həmin pullarla müəllimin də maaşı artar, hətta məktəbin hansısa ehtiyacı varsa, onlar da ödənə bilər. Bəzi ölkələrdə bu sistemdən istifadə olunur. Ölkəmizdə bəh-bəhlə danışılan Sinqapur, ABŞ, Finlandiya təhsil sistemlərində belə valideynlər övladlarını hazırlıqlara göndərirlər. Rəqabəti təmin etmək üçün övladlarımızı hazırlıqlara göndərməliyik”.

 

Firuzə Əliyeva


 


OXŞAR XƏBƏRLƏR

Azərbaycan və Rusiya XİN başçıları Türkiyədə GÖRÜŞDÜ

Azərbaycan xarici işlər naziri Ceyhun Bayramov Türkiyədə rusiyalı həmkarı Sergey Lavrovla görüşüb.   Sfera.az xəbər verir ki, tərəflər Antalya Diplom...

Prezident “Gülüstan” sarayında iclasda çıxış etdi - YENİLƏNDİ 3 - FOTO

Martın 1-də Bakıda, “Gülüstan” sarayında Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası çərçivəsind...

İlham Əliyev Kadri Simsonu QƏBUL ETDİ - YENİLƏNDİ

Azərbaycan Respublikasının Prezidenti İlham Əliyev martın 1-də Cənub Qaz Dəhlizi Məşvərət Şurası çərçivəsində nazirlərin 10-cu və Yaşıl Enerji Məşvərət Şurası ç...

Dollarla verilən kreditlər BAHALAŞDI

2024-cü ilin yanvarında xarici valyutada verilən kreditlər üzrə faizlərdə artım müşahidə olunub.  Sfera.az Mərkəzi Banka istinadən xəbər verir ki, uzu...

Ermənistanda Rusiya hərbçilərinin "Zvartnots" hava limanından çıxarılması MÜZAKİRƏ OLUNUR 

Ermənistan hakimiyyəti Rusiya sərhəd xidməti zabitlərinin Zvartnots beynəlxalq hava limanından çıxarılması məsələsini müzakirə etməyə başlayıb.   Sfe...

Hakan Fidan rusiyalı həmkarı ilə GÖRÜŞDÜ

Türkiyənin xarici işlər naziri Hakan Fidan rusiyalı həmkarı Sergey Lavrovla görüşüb.   Sfera.az xəbər verir ki, bu barədə Rusiya Xarici İşlər Nazirli...