Məktəbli forması ilə bağlı müraciət - Valideynlərin nəzərinə!
![Məktəbli forması ilə bağlı müraciət - Valideynlərin nəzərinə!](https://sfera.az/photo/orginal/2023/08/03/1691047520_forma.jpg)
Təhsil
11:22 / 03.08.2023
4125
Nazirlər Kabinetinin qərarına əsasən, 2023-2024-cü tədris ilində ölkənin hər bir ümumi təhsil müəssisəsi üzrə vahid məktəbli geyimi tətbiq ediləcək. Həmin qərarda məktəblər tərəfindən 4 cür geyim formasından birinin seçilməsi nəzərdə tutulur.
Bu barədə Elm və Təhsil Nazirliyindən bildirilib.
Qeyd edilib ki, ötən tədris ilində hər bir ümumi təhsil müəssisəsinin Pedaqoji Şurası bununla bağlı müvafiq qərar qəbul edib.
"Övladınızın təhsil aldığı məktəbdən bu barədə ətraflı məlumat əldə edə bilərsiniz. Yeni tədris ilinə hazırlıq məqsədilə məktəbli formalarını ölkəmizin şəhər və rayonlarında fəaliyyət göstərən satış məntəqələrindən əvvəlcədən əldə etməyiniz tövsiyə olunur", - deyə müraciətdə bildirilib.