No Image
No Image
No Image

Təcrübəli və peşəkar ovçu “Qırmızı kitab”a düşən quşlara güllə atmaz – İmişlidən reportaj VİDEO

Təcrübəli və peşəkar ovçu “Qırmızı kitab”a düşən quşlara güllə atmaz – İmişlidən reportaj VİDEO
 Sentyabrın 1-dən ölkə ərazisində ov mövsümü açıq elan edilib. Ötən müddətdə hazırlıqlarını görən təcrübəli ovçular ov ediləcək yerləri seçib, silahları sazlayıb, qayıqları hazır vəziyyətə gətiriblər.

AZƏRTAC xəbər verir ki, ov ediləcək məkanlardan biri də Sarısu gölüdür. Burada ov edə bilmək üçün əlverişli şərait mövcuddur.

Sarısu gölünə ova gələn İmişlidən olan təcrübəli ovçu Zaur İsmayılovla söhbət edirik. O, ova gəlməmişdən qabaq hazırlıq prosesinin önəmindən danışaraq deyib: "Ova getmədən öncə silaha baxış keçirilməlidir. Silah tam hazır olduqda hansı quşu hansı patronla vuracağını bilməlisən. Yəni, hansı quşu ovlayacaqsansa, ona uyğun patron seçməlidir. Vacib şərtlərdən biri də, hansı quşlara güllə atmaq barədə ovçunun məlumatlı olmasıdır. Onu da deyim ki, quşa 15-20 metr məsafədən güllə atılması məsləhət deyil. Çünki güllə 25 metrdən sonra yayılır və həmin vurulan ov parçalanmır”.

Ov edərkən zaman seçimi də düzgün olmaldır. Bu baxımdan ən əlverişli vaxt dan yeri sökülməmiş və ya gün batan çağıdır. Həmçinin hava şəraiti də nəzərə alınmalıdır. Küləkli havada məsafə elə seçilməldir ki, atışa mane olmasın. Ov zamanı görmə məsafəsinin məhdud olduğu vaxt daha diqqətli olmaq lazımdır. Əks halda ovçunün özü elə ov ola bilər.

"Biz ova adətən səhərlər gəlirik, çünki bu vaxt quş ovçuların gəldiyini bilmir. Səhər açılana kimi yerimizi müəyyənləşdiririk, yalançı ördəkləri düzürük. "Qırmızı kitab”a düşmüş quşlardan olan anqut, qu quşu, qızıl quşu ovlamaq olmaz. Qaşqaldaq, yaşılbaş, gəray, almabaş – bunların ovlanmasına icazə var. İlk dəfə ova gələnlərə məsləhətim odur ki, təcrübəli ovçularla şikara çıxsınlar. Çünki təcrübəli və peşəkar ovçu "Qırmızı kitab”a düşən quşlara güllə atmaz”, - deyə Zaur İsmayılov bildirib.

Həmsöhbətimiz ov üçün əsas şərtlərdən birinin də təhlükəsizlik qaydalarına riayət etmək olduğunu vurğulayıb.

Qeyd edək ki, ölkə ərazisində ov fəaliyyəti ilə yalnız xüsusi icazəsi olan şəxslər məşğul ola bilər. Ovçular bunun üçün "ASAN xidmət” mərkəzlərinə, yaxud Ekologiya və Təbii Sərvətlər Nazirliyinin regionlarda fəaliyyət göstərən müvafiq şöbələrinə müraciət etməlidirlər. Ov mövsümü növbəti ilin fevral ayının sonuna qədər davam edəcək.

OXŞAR XƏBƏRLƏR

Düşmənin döyüş meydanında atıb-qaçdığı növbəti hərbi texnikalar - FOTOLAR + VİDEO

Müdafiə Nazirliyi düşmənin döyüş meydanında atıb qaçdığı, həmçinin bölmələrimiz tərəfindən məhv edilən növbəti hərbi texnikaların görüntüsünü yayıb.  &nbs...

Brüsseldə Azərbaycan Ordusuna kreativ dəstək aksiyası keçirilib - VİDEO + FOTO

  Belçikada yaşayan soydaşlarımızdan biri Ermənistanın son hərbi təcavüzünə etiraz və Azərbaycan Ordusuna dəstək olaraq kreativ aksiya ...

Düşmənin ələ keçirilən hərbi texnikaları - Videoreportaj

  Cəbhəboyu zonada döyüşlər davam edir. Ordumuzun uğurlu əməliyyatı nəticəsində düşmənə məxsus daha bir neçə hərbi texnika ələ keçirilib. Sfera.az xəbər...

Erməni əsgərlərin meyitləri yük maşınları ilə daşınır - VİDEO

  Düşmənin itkiləri ilə bağlı daha bir görüntü yayılıb.  Sfera.az  xəbər verir ki, sosial şəbəkələrdə yayılan kadrlarda çox sayda erməni ə...

İrandakı soydaşlarımız Ermənistana hərbi texnika daşıyan maşınları yandırıb - FOTO + VİDEO

  Son günlər sosial şəbəkələrdə İrandan Ermənistana hərbi texnikanın daşınması ilə bağlı görüntülər yer almaqdadır. Sfera.az-ın məlumatına görə, sözügedə...

Azərbaycan qırıcıları havaya qalxdı - VİDEO

  Müdafiə nazirinin təsdiq etdiyi 2020-ci ilin döyüş hazırlığı planına uyğun olaraq Hərbi Hava Qüvvələrinin (HHQ) gecə və məhdud görmə şəraitində təlim uç...