Sfera.az xatırladır ki, bir il əvvəl Azərbaycanda taxtanın qiyməti 311 manat idi. Ötən 12 ay ərzində taxtanın bir kub metrinin qiyməti 124 manat və ya 40 faiz artıb. Taxtanın bahalaşması taxtadan hazırlanan inşaat materiallarının və mebellərin bahalaşmasına da səbəb olur. 

İnşaat materiallarından ağaс-yonqar lövhənin (DSP) 1 kvadrat metrinin qiyməti orta hesabla 10,7 manata yüksəlib. Bir il əvvəl ağaс-yonqar lövhə 8,7 manata satılırdı. Ağaс-yonqar lövhənin kvadrat metri 2 manat, yəni 23 faiz bahalaşıb. Ağaс-lifli lövhənin (dikt) qiyməti bu ilin avqustunda 12 manatı ötüb. Bu tikinti materialı ötən ilin avqustunda 10 manata satılırdı. Ağaс-lifli lövhənin qiyməti də 2 manat (20 faiz) artıb. 

Parketin bir kvadratının orta dəyəri 23 manata yüksəlib. Ötən ilin avqustunda parketin qiyməti 21,4 manat idi. Bir il ərzində parket 7,5 faiz bahalaşıb. 

Laminat parketinin qiyməti 15,6 manatı ötüb. Bu il laminat parket 0,7 manat və ya 4,7 faiz bahalaşıb.

Mətbəx mebelinin 1 paqon metrinin orta qiyməti 305 manatı ötüb. Əvvəlki ilin avqustundə mətbəx mebeli 280 manata satılırdı. Müqayisə göstərir ki, bu il mətbəx mebelinin dəyəri 35 manat, yəni 12,5 faiz artıb.

Mətbəx üçün masa və kətil (dəst) 261 manatdan 271 manata, yataq mebeli 1264 manatdan 1295 manata, çarpayı 194 manatdan 217 manata, servant 514 manatdan 528 manata, oturacaq dəstə 377 manatdan 383 manata, yumşaq mebel dəsti 647 manatdan 673 manata, dəhliz üçün mebel 276 manatdan 288 manata qədər bahalaşıb. 

Digər tərəfdən Rusiya taxtanın xammal kimi ixracını çətinləşdirmək üçün gömrük rüsumlarını artırıb. Rusiya istəyir ki, ölkədən xaricə xammal yox, daha çox taxtadan istehsal edilən emal məhsulları satılsın. Bu da Rusiyadan idxal edilən taxtanın bahalaşması ilə nəticələnib. 

Sadalanan amillər Azərbaycanda taxtanın və ondan hazırlanan məhsulların bahalaşmasına səbəb olub.